Псалтирь, псалом 56

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 56
56:1 См.: 🔗1Цар. 22:1	Въ конецъ, да не растлиши, Давиду въ столпописанiе, внегда ему от­бѣгати от­ лица Саулова въ пещеру.
56:2 См.: 🔗Пс. 50:3	Помилуй мя, Боже, помилуй мя: яко на Тя упова душа моя, и на сѣнь крилу Твоею надѣюся, дондеже прейдетъ беззаконiе.
56:3	Воззову къ Богу Вышнему, Богу благодѣяв­шему мнѣ.
56:4 См.: 🔗Пс. 55:3	Посла съ небесе и спасе мя, даде въ поношенiе попирающыя мя: посла Богъ милость Свою и истину Свою,
56:5 См.: 🔗Пс. 54:22	и избави душу мою от­ среды скимновъ. Поспахъ смущенъ: сынове человѣчестiи, зубы ихъ оружiя и стрѣлы, и языкъ ихъ мечь остръ.
56:6 См.: 🔗Пс. 107:6	Вознесися на небеса, Боже, и по всей земли слава Твоя.
56:7 См.: 🔗Пс. 7:16 🔗Прит. 26:27 🔗Еккл. 10:8	Сѣть уготоваша ногамъ мо­имъ, и слякоша душу мою: ископаша предъ лицемъ мо­имъ яму, и впадоша въ ню.
56:8 См.: 🔗Пс. 107:2	Готово сердце мое, Боже, готово сердце мое: воспою и пою во славѣ мо­ей.
56:9 См.: 🔗Пс. 107:3	Востани, слава моя, востани, псалтирю и гусли: востану рано.
56:10 См.: 🔗Пс. 107:4	Исповѣмся Тебѣ въ людехъ, Господи, воспою Тебѣ во языцѣхъ:
56:11 См.: 🔗Пс. 35:6	яко воз­величися до небесъ милость Твоя и даже до облакъ истина Твоя.
56:12 См.: 🔗Пс. 56:6	Вознесися на небеса, Боже, и по всей земли слава Твоя.