Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 59 | |
59:1 | Въ конецъ, о измѣнитися хотящихъ, въ столпописанiе Давиду, въ наученiе: |
59:2 См.: 🔗2Цар. 8:1 🔗1Пар. 18:3 | внегда сожже Средорѣчiе Сирійское и Сирію Совалскую, и возвратися Иоавъ и порази Едома въ дебри Солей дванадесять тысящъ. |
59:3 См.: 🔗Пс. 43:10 | Боже, отринулъ ны еси и низложилъ еси насъ, разгнѣвался еси и ущедрилъ еси насъ. |
59:4 См.: 🔗2Пар. 7:14 | Стряслъ еси землю и смутилъ еси ю: изцѣли сокрушенiе ея, яко подвижеся. |
59:5 См.: 🔗Пс. 74:9 | Показалъ еси людемъ Твоимъ жестокая: напоилъ еси насъ виномъ умиленiя. |
59:6 | Далъ еси боящымся Тебе знаменiе, еже убѣжати от лица лука. |
59:7 | Яко да избавятся возлюбленнiи Твои, спаси десницею Твоею и услыши мя. |
59:8 См.: 🔗Пс. 107:8 | Богъ возглагола во святѣмъ Своемъ: возрадуюся, и раздѣлю Сикиму, и юдоль Жилищъ размѣрю. |
59:9 | Мой есть Галаадъ, и Мой есть Манассій, Ефремъ крѣпость главы Моея, Иуда царь Мой. |
59:10 | Моавъ конобъ упованiя Моего: на Идумею простру сапогъ Мой: Мнѣ иноплеменницы покоришася. |
59:11 | Кто введетъ мя во градъ огражденiя? Или кто наставитъ мя до Идумеи? |
59:12 См.: 🔗Пс. 43:10 | Не Ты ли, Боже, отринувый насъ? И не изыдеши, Боже, въ силахъ нашихъ? |
59:13 | Даждь намъ помощь от скорби: и суетно спасенiе человѣческо. |
59:14 См.: 🔗Пс. 17:30 🔗Пс. 107:14 | О Бозѣ сотворимъ силу: и Той уничижитъ стужающыя намъ. |