Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 68 | |
68:1 | Въ конецъ, о измѣншихся {о имущихъ измѣнитися}, псаломъ Давиду. |
68:2 См.: 🔗Ис. 43:2 | Спаси мя, Боже, яко внидоша воды до души моея. |
68:3 | Углѣбохъ въ тимѣнiи глубины, и нѣсть постоянiя: прiидохъ во глубины морскія, и буря потопи мя. |
68:4 | Утрудихся зовый, измолче гортань мой: исчезостѣ очи мои, от еже уповати ми на Бога моего. |
68:5 | Умножишася паче власъ главы моея ненавидящiи мя туне: укрѣпишася врази мои, изгонящiи мя неправедно: яже не восхищахъ, тогда воздаяхъ. |
68:6 | Боже, Ты увѣдѣлъ еси безумiе мое, и прегрѣшенiя моя от Тебе не утаишася. |
68:7 | Да не постыдятся о мнѣ терпящiи Тебе, Господи, Господи силъ: ниже да посрамятся о мнѣ ищущiи Тебе, Боже Израилевъ. |
68:8 | Яко Тебе ради претерпѣхъ поношенiе, покры срамота лице мое. |
68:9 | Чуждь быхъ братiи моей и страненъ сыновомъ матере моея: |
68:10 См.: 🔗Ин. 2:17 🔗Рим. 15:3 | яко ревность дому Твоего снѣде мя, и поношенiя поносящихъ Ти нападоша на мя. |
68:11 | И покрыхъ постомъ душу мою, и бысть въ поношенiе мнѣ: |
68:12 | и положихъ одѣянiе мое вретище, и быхъ имъ въ притчу. |
68:13 См.: 🔗Иов. 30:9 | О мнѣ глумляхуся сѣдящiи во вратѣхъ, и о мнѣ пояху пiющiи вино. |
68:14 См.: 🔗Ис. 49:8 | Азъ же молитвою моею къ Тебѣ, Боже: время благоволенiя, Боже: во множествѣ милости Твоея услыши мя, во истинѣ спасенiя Твоего. |
68:15 См.: 🔗Пс. 39:3 | Спаси мя от бренiя, да не углѣбну: да избавлюся от ненавидящихъ мя и от глубокихъ водъ. |
68:16 | Да не потопитъ мене буря водная, ниже да пожретъ мене глубина, ниже сведетъ о мнѣ ровенникъ устъ своихъ. |
68:17 | Услыши мя, Господи, яко блага милость Твоя: по множеству щедротъ Твоихъ призри на мя. |
68:18 См.: 🔗Пс. 101:3 | Не отврати лица Твоего от отрока Твоего, яко скорблю: скоро услыши мя. |
68:19 | Вонми души моей и избави ю: врагъ моихъ ради избави мя. |
68:20 См.: 🔗Пс. 43:16 | Ты бо вѣси поношенiе мое, и студъ мой, и срамоту мою: предъ Тобою вси оскорбляющiи мя. |
68:21 См.: 🔗Мф. 27:39 🔗Лк. 23:49 | Поношенiе чаяше душа моя и страсть: и ждахъ соскорбящаго, и не бѣ, и утѣшающихъ, и не обрѣтохъ. |
68:22 См.: 🔗Мф. 27:34 🔗Ин. 19:29 | И даша въ снѣдь мою желчь, и въ жажду мою напоиша мя оцта. |
68:23 См.: 🔗Рим. 11:9 | Да будетъ трапеза ихъ предъ ними въ сѣть и въ воздаянiе и въ соблазнъ. |
68:24 | Да помрачатся очи ихъ, еже не видѣти, и хребетъ ихъ выну сляцы. |
68:25 | Пролій на ня гнѣвъ Твой, и ярость гнѣва Твоего да постигнетъ ихъ. |
68:26 См.: 🔗Деян. 1:20 | Да будетъ дворъ ихъ пустъ, и въ жилищихъ ихъ да не будетъ живый. |
68:27 См.: 🔗Ис. 53:4 | Зане егоже Ты поразилъ еси, тіи погнаша, и къ болѣзни язвъ моихъ приложиша. |
68:28 См.: 🔗Рим. 1:28 | Приложи беззаконiе къ беззаконiю ихъ, и да не внидутъ въ правду Твою. |
68:29 | Да потребятся от книги живыхъ, и съ праведными да не напишутся. |
68:30 | Нищъ и боляй есмь азъ: спасенiе Твое, Боже, да прiиметъ мя. |
68:31 | Восхвалю имя Бога моего съ пѣснiю, возвеличу Его во хваленiи: |
68:32 | и угодно будетъ Богу паче телца юна, роги износяща и пазнокти. |
68:33 См.: 🔗Пс. 21:27 | Да узрятъ нищiи и возвеселятся: взыщите Бога, и жива будетъ душа ваша. |
68:34 См.: 🔗Пс. 33:7 | Яко услыша убогiя Господь, и окованныя Своя не уничижи. |
68:35 См.: 🔗Пс. 147:1 | Да восхвалятъ Его небеса и земля, море и вся живущая въ немъ. |
68:36 См.: 🔗1Кор. 3:10 | Яко Богъ спасетъ Сiона, и созиждутся гради Иудейстiи, и вселятся тамо и наслѣдятъ и: |
68:37 | и сѣмя рабовъ Твоихъ удержитъ и, и любящiи имя Твое вселятся въ немъ. |