Псалтирь, псалом 70

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 70
70:1	Давиду псаломъ, сыновъ Ионадавовыхъ и первыхъ плѣншихся, не надписанъ у Еврей.
70:2 См.: 🔗Пс. 30:2	На Тя, Господи, уповахъ, да не постыжуся въ вѣкъ.
70:3	Правдою Тво­ею избави мя и изми мя: при­­клони ко мнѣ ухо Твое и спаси мя.
70:4 См.: 🔗Мф. 4:6 🔗Лк. 4:10	Буди ми въ Бога защитителя и въ мѣсто крѣпко спасти мя: яко утвержденiе мое и при­­бѣжище мое еси Ты.
70:5 См.: 🔗Пс. 90:14	Боже мой, избави мя изъ руки грѣшнаго, изъ руки законопреступнаго и обидящаго:
70:6 См.: 🔗Евр. 2:13	яко Ты еси терпѣнiе мое, Господи, Господи, упованiе мое от­ юности мо­ея.
70:7 См.: 🔗Втор. 10:21 🔗Пс. 21:10	Въ Тебѣ утвердихся от­ утробы, от­ чрева матере мо­ея Ты еси мой покровитель: о Тебѣ пѣнiе мое выну.
70:8 См.: 🔗Иез. 12:6 🔗Иез. 24:27	Яко чудо быхъ многимъ: и Ты помощникъ мой крѣпокъ.
70:9 См.: 🔗Пс. 50:17	Да исполнят­ся уста моя хваленiя, яко да воспою славу Твою, весь день великолѣпiе Твое.
70:10 См.: 🔗Пс. 68:4 🔗Ис. 46:4	Не от­вержи мене во время старости: внегда оскудѣвати крѣпости мо­ей, не остави мене.
70:11	Яко рѣша врази мо­и мнѣ, и стрегущiи душу мою совѣщаша вкупѣ,
70:12	глаголюще: Богъ оставилъ есть его, пожените и имите его, яко нѣсть избавляяй.
70:13 См.: 🔗Пс. 69:2	Боже мой, не удалися от­ мене: Боже мой, въ помощь мою вонми.
70:14 См.: 🔗Пс. 34:4	Да постыдят­ся и изчезнутъ оклеветающiи душу мою, да облекут­ся въ студъ и срамъ ищущiи злая мнѣ.
70:15	Азъ же всегда воз­уповаю на Тя, и при­­ложу на всяку похвалу Твою.
70:16	Уста моя воз­вѣстятъ правду Твою, весь день спасенiе Твое, яко не познахъ книжная.
70:17	Вниду въ силѣ Господни: Господи, помяну правду Тебе единаго.
70:18 См.: 🔗Пс. 76:12	Боже мой, имже научилъ мя еси от­ юности мо­ея, и донынѣ воз­вѣщу чудеса Твоя.
70:19 См.: 🔗Ис. 46:4	И даже до старости и престарѣнiя, Боже мой, не остави мене, дондеже воз­вѣщу мышцу Твою роду всему грядущему,
70:20 См.: 🔗Исх. 15:11 🔗Отк. 17:14	силу Твою и правду Твою, Боже, даже до вышнихъ, яже сотворилъ ми еси величiя: Боже, кто подобенъ Тебѣ?
70:21 См.: 🔗Пс. 67:23	Елики явилъ ми еси скорби многи и злы? И обращься оживотворилъ мя еси и от­ безднъ земли воз­велъ мя еси.
70:22 См.: 🔗Втор. 32:39	Умножилъ еси на мнѣ величе­ст­вiе твое, и обращься утѣшилъ мя еси, и от­ безднъ земли паки воз­велъ мя еси.
70:23 См.: 🔗Пс. 88:19 🔗Пс. 150:3	Ибо азъ исповѣмся Тебѣ въ людехъ, Господи, въ сосудѣхъ псаломскихъ истину Твою, Боже: воспою Тебѣ въ гуслехъ, Святый Израилевъ.
70:24	Возрадуетѣся устнѣ мо­и, егда воспою Тебѣ, и душа моя, юже еси избавилъ:
70:25	еще же и языкъ мой весь день по­учит­ся правдѣ Тво­ей, егда постыдят­ся и посрамят­ся ищущiи злая мнѣ.