Псалтирь, псалом 73

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 73
73:1	Разума Асафу.
73:2 См.: 🔗Пс. 43:24	Вскую, Боже, от­ринулъ еси до конца? Разгнѣвася ярость Твоя на овцы пажити Тво­ея?
73:3	Помяни сонмъ Твой, егоже стяжалъ еси исперва, избавилъ еси жезломъ достоянiя Тво­его, гора Сiонъ сiя {жезлъ достоянiя Тво­его, гору Сiонъ сiю}, въ нейже вселил­ся еси.
73:4 См.: 🔗Пс. 67:17 🔗Иоил. 3:16	Воздвигни руцѣ Тво­и на гордыни ихъ въ конецъ, елика лукавнова врагъ во святѣмъ Тво­емъ.
73:5 См.: 🔗Иер. 2:15	И восхвалишася ненавидящiи Тя посредѣ праздника Тво­его: положиша знаменiя своя знаменiя, и не познаша,
73:6	яко во исходѣ превыше: яко въ дубравѣ древянѣ сѣкирами разсѣкоша
73:7	двери его вкупѣ, сѣчивомъ и оскордомъ разрушиша и.
73:8 См.: 🔗4Цар. 25:9	Возжгоша огнемъ святило Твое: на земли оскверниша жилище имене Тво­его.
73:9	Рѣша въ сердцы сво­емъ южики ихъ вкупѣ: прiидите, и от­ставимъ вся праздники Божiя от­ земли.
73:10 См.: 🔗Плч. 2:9	Знаменiя ихъ {знаменiй нашихъ} не видѣхомъ: нѣсть ктому пророка, и насъ не познаетъ ктому.
73:11	Доколѣ, Боже, поноситъ врагъ? Раздражитъ противный имя Твое до конца?
73:12	Вскую от­вращаеши руку Твою и десницу Твою от­ среды нѣдра Тво­его въ конецъ?
73:13	Богъ же, Царь нашъ, прежде вѣка содѣла спасенiе посредѣ земли.
73:14 См.: 🔗Исх. 14:21	Ты утвердилъ еси силою Тво­ею море: Ты стерлъ еси главы змиевъ въ водѣ:
73:15	Ты сокрушилъ еси главу зміеву, далъ еси того брашно людемъ еѳiопскимъ.
73:16 См.: 🔗Исх. 17:5 🔗Чис. 20:11 🔗Нав. 3:13	Ты расторглъ еси источники и потоки: Ты изсушилъ еси рѣки иѳамскiя.
73:17	Твой есть день, и Твоя есть нощь: Ты совершилъ еси зарю и солнце.
73:18 См.: 🔗Быт. 8:22	Ты сотворилъ еси вся предѣлы земли: жатву и весну Ты создалъ еси я.
73:19 См.: 🔗Плч. 3:61	Помяни сiя: врагъ поноси Господеви, и людiе безумнiи раздражиша имя Твое.
73:20	Не предаждь звѣремъ душу исповѣда­ю­щуюся Тебѣ: душъ убогихъ Тво­ихъ не забуди до конца.
73:21	Призри на завѣтъ Твой: яко исполнишася помрачен­нiи земли домовъ беззаконiй.
73:22 См.: 🔗Лк. 11:27	Да не воз­вратит­ся смирен­ный посрамленъ: нищъ и убогъ восхвалита имя Твое.
73:23 См.: 🔗Ис. 49:4 🔗Иез. 39:25	Востани, Боже, суди прю Твою: помяни поношенiе Твое, еже от­ безумнаго весь день.
73:24	Не забуди гласа молитвен­никъ Тво­ихъ: гордыня ненавидящихъ Тя взыде выну {да восходитъ выну къ Тебѣ}.