Псалтирь, псалом 74

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 74
74:1	Въ конецъ, да не растлиши, псаломъ пѣсни Асафу.
74:2 См.: 🔗Пс. 9:2 🔗Пс. 43:2	Исповѣмыся Тебѣ, Боже, исповѣмыся Тебѣ и при­­зовемъ имя Твое: повѣмъ вся чудеса Твоя.
74:3	Егда прiиму время, Азъ правоты воз­сужду.
74:4 См.: 🔗Пс. 45:7	Растаяся земля и вси живущiи на ней, Азъ утвердихъ столпы ея.
74:5	Рѣхъ беззакон­ну­ю­щымъ, не беззакон­нуйте: и согрѣшающымъ, не воз­носите рога.
74:6	Не воз­двизайте на высоту рога ва­шего и не глаголите на Бога неправду:
74:7	яко ниже от­ исходъ, ниже и западъ, ниже от­ пустыхъ горъ.
74:8 См.: 🔗Дан. 5:21	Яко Богъ судiя есть: сего смиряетъ, и сего воз­носитъ.
74:9 См.: 🔗Пс. 59:5	Яко чаша въ руцѣ Господни, вина нера­ст­ворена исполнь ра­ст­воренiя, и уклони от­ сея въ сiю: обаче дрождiе его не истощися, испiютъ вси грѣшнiи земли.
74:10	Азъ же воз­радуюся въ вѣкъ, воспою Богу Иаковлю:
74:11 См.: 🔗Лк. 1:69	и вся роги грѣшныхъ сломлю, и воз­несет­ся рогъ праведнаго.