Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 75 | |
75:1 | Въ конецъ, въ пѣснехъ, псаломъ Асафу, пѣснь ко Ассиріанину. |
75:2 | Вѣдомъ во Иудеи Богъ: во Израили велiе имя Его. |
75:3 См.: 🔗1Езд. 1:3 | И бысть въ мирѣ мѣсто Его, и жилище Его въ Сiонѣ. |
75:4 См.: 🔗Пс. 45:10 🔗Ис. 9:4 | Тамо сокруши крѣпости луковъ, оружiе и мечь и брань. |
75:5 | Просвѣщаеши ты дивно от горъ вѣчныхъ. |
75:6 | Смятошася вси неразумнiи сердцемъ: уснуша сномъ своимъ, и ничтоже обрѣтоша вси мужiе богатства въ рукахъ своихъ. |
75:7 См.: 🔗Суд. 5:22 | От запрещенiя Твоего, Боже Иаковль, воздремаша всѣдшiи на кони. |
75:8 | Ты страшенъ еси, и кто противостанетъ Тебѣ? Оттолѣ гнѣвъ Твой. |
75:9 См.: 🔗Отк. 6:17 | Съ небесе слышанъ сотворилъ еси судъ: земля убояся и умолча, |
75:10 | внегда востати на судъ Богу, спасти вся кроткiя земли. |
75:11 См.: 🔗Иез. 28:22 | Яко помышленiе человѣческое исповѣстся Тебѣ, и останокъ помышленiя празднуетъ Ти. |
75:12 См.: 🔗Пс. 60:9 | Помолитеся и воздадите Господеви Богу нашему: вси, иже окрестъ Его, принесутъ дары |
75:13 См.: 🔗1Цар. 14:15 🔗Отк. 19:15 | Страшному и отъемлющему духи князей, страшному паче царей земныхъ. |