Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 76 | |
76:1 См.: 🔗Пс. 38:1 | Въ конецъ, о Идиѳумѣ, псаломъ Асафу. |
76:2 | Гласомъ моимъ ко Господу воззвахъ, гласомъ моимъ къ Богу, и внятъ ми. |
76:3 | Въ день скорби моея Бога взыскахъ рукама моима, нощiю предъ нимъ, и не прельщенъ быхъ: отвержеся утѣшитися душа моя. |
76:4 | Помянухъ Бога и возвеселихся, поглумляхся {размышляхъ}, и малодушствоваше духъ мой. |
76:5 | Предваристѣ стражбы очи мои: смятохся и не глаголахъ. |
76:6 См.: 🔗Пс. 142:5 | Помыслихъ дни первыя, и лѣта вѣчная помянухъ, и поучахся: |
76:7 См.: 🔗Ис. 26:9 | нощiю сердцемъ моимъ глумляхся, и тужаше {размышляхъ, и испытоваше} духъ мой: |
76:8 | еда во вѣки отринетъ Господь и не приложитъ благоволити паки? |
76:9 | Или до конца милость Свою отсѣчетъ, сконча глаголъ от рода въ родъ? |
76:10 См.: 🔗Мк. 4:38 | Еда забудетъ ущедрити Богъ? Или удержитъ во гнѣвѣ Своемъ щедроты Своя? |
76:11 См.: 🔗Ис. 41:10 | И рѣхъ: нынѣ начахъ, сiя измѣна десницы Вышняго. |
76:12 | Помянухъ дѣла Господня: яко помяну от начала чудеса Твоя, |
76:13 | и поучуся во всѣхъ дѣлѣхъ Твоихъ, и въ начинанiихъ Твоихъ поглумлюся {размышляти буду}. |
76:14 См.: 🔗Пс. 88:9 | Боже, во святѣмъ путь Твой: кто Богъ велiй, яко Богъ нашъ? |
76:15 См.: 🔗Лк. 1:51 | Ты еси Богъ творяй чудеса: сказалъ еси въ людехъ силу Твою, |
76:16 См.: 🔗Исх. 14:19 | избавилъ еси мышцею Твоею люди Твоя, сыны Иаковли и Иосифовы. |
76:17 См.: 🔗Исх. 14:21 | Видѣша Тя воды, Боже, видѣша Тя воды и убояшася: смятошася бездны. |
76:18 | Множество шума водъ: гласъ даша облацы, ибо стрѣлы Твоя преходятъ. |
76:19 См.: 🔗Иов. 37:5 | Гласъ грома Твоего въ колеси, освѣтиша молнiя Твоя вселенную: подвижеся и трепетна бысть земля. |
76:20 См.: 🔗Иов. 38:16 🔗Авв. 3:15 | Въ мори путiе Твои, и стези Твоя въ водахъ многихъ, и слѣды Твои не познаются. |
76:21 См.: 🔗Исх. 14:15 | Наставилъ еси яко овцы люди Твоя рукою Моисеовою и Ааронею. |