Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 78 | |
78:1 | Псаломъ Асафу. |
78:2 См.: 🔗Иер. 12:8 | Боже, прiидоша языцы въ достоянiе Твое, оскверниша храмъ святый Твой, |
78:3 См.: 🔗1Мак. 7:17 | положиша Иерусалимъ яко овощное хранилище: положиша трупiя рабъ Твоихъ брашно птицамъ небеснымъ, плоти преподобныхъ Твоихъ звѣремъ земнымъ: |
78:4 См.: 🔗Иез. 24:7 | пролiяша кровь ихъ яко воду окрестъ Иерусалима, и не бѣ погребаяй. |
78:5 См.: 🔗Пс. 43:14 | Быхомъ поношенiе сосѣдомъ нашымъ, подражненiе и поруганiе сущымъ окрестъ насъ. |
78:6 См.: 🔗Пс. 88:47 | Доколѣ, Господи, прогнѣваешися до конца? Разжжется яко огнь рвенiе Твое? |
78:7 См.: 🔗Иер. 10:25 | Пролій гнѣвъ Твой на языки незнающыя Тебе, и на царствiя, яже имене Твоего не призваша: |
78:8 | яко поядоша Иакова, и мѣсто его опустошиша. |
78:9 См.: 🔗Ис. 64:9 | Не помяни нашихъ беззаконiй первыхъ: скоро да предварятъ ны щедроты Твоя, Господи, яко обнищахомъ зѣло. |
78:10 | Помози намъ, Боже, Спасителю нашъ, славы ради имене Твоего: Господи, избави ны и очисти грѣхи нашя имене ради Твоего. |
78:11 См.: 🔗Пс. 41:4 🔗Иоил. 2:17 | Да не когда рекутъ языцы: гдѣ есть Богъ ихъ? И да увѣстся во языцѣхъ предъ очима нашима отмщенiе крове рабъ Твоихъ пролитыя. |
78:12 См.: 🔗3Цар. 8:49 | Да внидетъ предъ Тя воздыханiе окованныхъ: по величiю мышцы Твоея снабди сыны умерщвленныхъ. |
78:13 См.: 🔗Ис. 65:6 | Воздаждь сосѣдомъ нашымъ седмерицею въ нѣдро ихъ поношенiе ихъ, имже поносиша Тя, Господи. |
78:14 См.: 🔗Пс. 99:3 | Мы же людiе Твои и овцы пажити Твоея исповѣмыся Тебѣ, Боже, во вѣкъ, въ родъ и родъ возвѣстимъ хвалу Твою. |