Псалтирь, псалом 80

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 80
80:1 См.: 🔗Пс. 8:1 🔗Пс. 83:1	Въ конецъ, о точилѣхъ, псаломъ Асафу.
80:2	Радуйтеся Богу помощнику на­шему, воскликните Богу Иаковлю:
80:3	прiимите псаломъ и дадите тимпанъ, псалтирь красенъ съ гусльми:
80:4 См.: 🔗Чис. 10:10	вострубите въ новомесячiи трубою, во благознаменитый день праздника ва­шего:
80:5 См.: 🔗Исх. 23:17	яко повелѣнiе Израилеви есть, и судьба Богу Иаковлю.
80:6	Свидѣнiе во Иосифѣ положи е, внегда изыти ему от­ земли Египетскiя: языка, егоже не вѣдяше, услыша.
80:7	Отятъ от­ бремене хребетъ его: руцѣ его въ коши поработастѣ.
80:8 См.: 🔗Исх. 17:6	Въ скорби при­­звалъ Мя еси, и избавихъ тя: услышахъ тя въ тайнѣ бурнѣ: искусихъ тя на водѣ Прерѣканiя.
80:9 См.: 🔗Исх. 20:1 🔗Пс. 49:7	Слышите, людiе Мо­и, и засвидѣтел­ст­вую вамъ, Израилю, аще послушаеши Мене:
80:10	не будетъ тебѣ богъ новъ, ниже поклонишися богу чуждему.
80:11	Азъ бо есмь Господь Богъ твой, изведый тя от­ земли Египетскiя: разшири уста твоя, и исполню я.
80:12	И не послушаша людiе Мо­и гласа Мо­его, и Израиль не внятъ Ми:
80:13 См.: 🔗Деян. 14:16	и от­пустихъ я по начинаниемъ сердецъ ихъ, пойдутъ въ начинанiихъ сво­ихъ.
80:14 См.: 🔗Лев. 26:3	Аще быша людiе Мо­и послушали Мене, Израиль аще бы въ пути Моя ходилъ:
80:15	ни о чесомже убо враги его смирилъ быхъ, и на оскорбляющыя ихъ воз­ложилъ быхъ руку Мою.
80:16	Врази Господни солгаша ему, и будетъ время ихъ въ вѣкъ:
80:17 См.: 🔗Втор. 32:13	и напита ихъ от­ тука пшенична, и от­ камене меда насыти ихъ.