Псалтирь, псалом 88

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 88
88:1 См.: 🔗1Пар. 15:17	Разума Еѳама Израилтянина.
88:2 См.: 🔗Пс. 91:3	Милости Твоя, Господи, во вѣкъ воспою, въ родъ и родъ воз­вѣщу истину Твою усты мо­ими.
88:3	Зане реклъ еси: въ вѣкъ милость созиждет­ся: на небесѣхъ уготовит­ся истина Твоя.
88:4 См.: 🔗2Цар. 7:12 🔗Пс. 131:11	Завѣщахъ завѣтъ избран­нымъ Мо­имъ, кляхся Давиду рабу Мо­ему:
88:5	до вѣка уготоваю сѣмя твое, и созижду въ родъ и родъ престолъ твой.
88:6	Исповѣдятъ небеса чудеса Твоя, Господи, ибо истину Твою въ церкви святыхъ.
88:7 См.: 🔗Пс. 85:8	Яко кто во облацѣхъ уравнит­ся Господеви? Уподобит­ся Господеви въ сынѣхъ Божiихъ?
88:8	Богъ прославляемь въ совѣтѣ святыхъ, велiй и стра­шенъ есть надъ всѣми окрестными Его.
88:9 См.: 🔗Пс. 76:14 🔗Отк. 19:15	Господи Боже силъ, кто подобенъ Тебѣ? Силенъ еси, Господи, и истина Твоя окрестъ Тебе.
88:10 См.: 🔗Пс. 106:29 🔗Мф. 8:26	Ты владыче­ст­вуеши державою морскою: воз­мущенiе же волнъ его Ты укрочаеши.
88:11	Ты смирилъ, еси, яко язвена, гордаго: мышцею силы Тво­ея расточилъ еси враги Твоя.
88:12 См.: 🔗Быт. 1:1	Твоя суть небеса, и Твоя есть земля: вселен­ную и исполненiе ея Ты основалъ еси.
88:13	Сѣверъ и море Ты создалъ еси: Ѳаворъ и Ермонъ о имени Тво­емъ воз­радуетася.
88:14	Твоя мышца съ силою: да укрѣпит­ся рука Твоя, и воз­несет­ся десница Твоя.
88:15 См.: 🔗Пс. 92:2	Правда и судьба уготованiе престола Тво­его: милость и истина предъидетѣ предъ лицемъ Тво­имъ.
88:16	Блажени людiе вѣдущiи воскликновенiе: Господи, во свѣтѣ лица Тво­его пойдутъ,
88:17	и о имени Тво­емъ воз­радуют­ся весь день, и правдою Тво­ею воз­несут­ся.
88:18 См.: 🔗Лк. 1:69	Яко похвала силы ихъ Ты еси, и во благоволенiи Тво­емъ воз­несет­ся рогъ нашъ:
88:19 См.: 🔗Пс. 3:4 🔗Пс. 83:10	яко Господне есть заступленiе, и Святаго Израилева царя на­шего.
88:20	Тогда глаголалъ еси въ видѣнiи сыновомъ Тво­имъ, и реклъ еси: положихъ помощь на сильнаго, воз­несохъ избран­наго от­ людій Мо­ихъ:
88:21 См.: 🔗1Цар. 16:13 🔗Деян. 13:22	обрѣтохъ Давида раба Мо­его, елеемъ святымъ Мо­имъ помазахъ его.
88:22 См.: 🔗Ис. 41:10	Ибо рука Моя заступитъ его, и мышца Моя укрѣпитъ его:
88:23 См.: 🔗2Цар. 7:10	ничтоже успѣетъ врагъ на него, и сынъ беззаконiя не при­­ложитъ озлобити его.
88:24	И ссѣку от­ лица его враги его, и ненавидящыя его побѣжду:
88:25	и истина Моя и милость Моя съ нимъ, и о имени Мо­емъ воз­несет­ся рогъ его:
88:26 См.: 🔗Пс. 71:8 🔗Отк. 10:2	и положу на мори руку его, и на рѣкахъ десницу его.
88:27 См.: 🔗2Цар. 7:14 🔗Евр. 1:5	Той при­­зоветъ Мя: отецъ мой еси Ты, Богъ мой и заступникъ спасенiя мо­его.
88:28 См.: 🔗Кол. 1:18 🔗Отк. 19:16	И Азъ первенца положу его, высока паче царей земныхъ:
88:29	въ вѣкъ сохраню ему милость Мою, и завѣтъ Мой вѣренъ ему:
88:30 См.: 🔗Пс. 71:5 🔗2Цар. 7:13 🔗Дан. 2:44	и положу въ вѣкъ вѣка сѣмя его, и престолъ его яко дніе неба.
88:31	Аще оставятъ сынове его законъ Мой, и въ судьбахъ Мо­ихъ не пойдутъ:
88:32	аще оправданiя Моя осквернятъ, и заповѣдiй Мо­ихъ не сохранятъ:
88:33 См.: 🔗2Цар. 7:14	посѣщу жезломъ беззаконiя ихъ, и ранами неправды ихъ,
88:34	милость же Мою не разорю от­ нихъ, ни преврежду во истинѣ Мо­ей:
88:35 См.: 🔗2Цар. 7:16	ниже оскверню завѣта Мо­его, и исходящихъ от­ устъ Мо­ихъ не от­вергуся.
88:36	Единою кляхся о святѣмъ Мо­емъ: аще Давиду солжу?
88:37 См.: 🔗2Цар. 7:16 🔗Пс. 71:17 🔗Лк. 1:33 🔗Ин. 12:34	Сѣмя его во вѣкъ пребудетъ, и престолъ его яко солнце предо Мною,
88:38 См.: 🔗Отк. 1:5	и яко луна совершена въ вѣкъ, и свидѣтель на небеси вѣренъ.
88:39	Ты же от­ринулъ еси и уничижилъ, негодовалъ еси помазан­наго Тво­его:
88:40 См.: 🔗Пс. 43:10	разорилъ еси завѣтъ раба Тво­его, осквернилъ еси на земли святыню его:
88:41 См.: 🔗Плч. 2:6	разорилъ еси вся оплоты его, положилъ еси твердая его страхъ.
88:42 См.: 🔗Пс. 30:12 🔗Пс. 43:14	Расхищаху его вси мимоходящiи путемъ, бысть поношенiе сосѣдомъ сво­имъ.
88:43	Возвысилъ еси десницу стужающихъ ему, воз­веселилъ еси вся враги его:
88:44	от­вратилъ еси помощь меча его и не заступилъ еси его во брани:
88:45	разорилъ еси от­ очищенiя его, престолъ его на землю поверглъ еси:
88:46	умалилъ еси дни времене его, облiялъ еси его студомъ.
88:47 См.: 🔗Пс. 12:2	Доколѣ, Господи, от­вращаешися въ конецъ, разжжет­ся яко огнь гнѣвъ Твой?
88:48	Помяни, кій мой составъ: еда бо всуе создалъ еси вся сыны человѣческiя?
88:49 См.: 🔗Пс. 48:10 🔗Сир. 14:18	Кто есть человѣкъ, иже поживетъ и не узритъ смерти, избавитъ душу свою изъ руки адовы?
88:50 См.: 🔗2Цар. 7:15	Гдѣ суть милости Твоя древнiя, Господи, имиже клял­ся еси Давиду во истинѣ Тво­ей?
88:51	Помяни, Господи, поношенiе рабъ Тво­ихъ, еже удержахъ въ нѣдрѣ мо­емъ многихъ языкъ:
88:52	имже поносиша врази Тво­и, Господи, имже поносиша измѣненiю христа Тво­его.
88:53	Благословенъ Господь во вѣкъ: буди, буди.