Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 89 | |
89:1 | Молитва Моисеа человѣка Божiя. |
89:2 | Господи, прибѣжище былъ еси намъ въ родъ и родъ. |
89:3 См.: 🔗Ис. 43:13 | Прежде даже горамъ не быти и создатися земли и вселеннѣй, и от вѣка и до вѣка Ты еси. |
89:4 | Не отврати человѣка во смиренiе, и реклъ еси: обратитеся, сынове человѣчестiи. |
89:5 См.: 🔗2Пет. 3:8 | Яко тысяща лѣтъ предъ очима Твоима, Господи, яко день вчерашнiй, иже мимо иде, и стража нощная. |
89:6 | Уничиженiя ихъ лѣта будутъ: *утро яко трава мимо идетъ, утро процвѣтетъ и прейдетъ: на вечеръ отпадетъ, ожестѣетъ и изсхнетъ: |
89:7 | яко изчезохомъ гнѣвомъ Твоимъ, и яростiю Твоею смутихомся. |
89:8 | Положилъ еси беззаконiя наша предъ Тобою, вѣкъ нашъ въ просвѣщенiе лица Твоего. |
89:9 | Яко вси дніе наши оскудѣша, и гнѣвомъ Твоимъ изчезохомъ: 10лѣта наша яко паучина поучахуся:– |
89:10 См.: 🔗Сир. 18:8 | –дніе лѣтъ нашихъ въ нихже седмьдесятъ лѣтъ, аще же въ силахъ, осмьдесятъ лѣтъ, и множае ихъ трудъ и болѣзнь: яко прiиде кротость на ны, и накажемся. |
89:11 См.: 🔗Сир. 16:19 | Кто вѣсть державу гнѣва Твоего, и от страха Твоего ярость Твою изчести? |
89:12 См.: 🔗Пс. 38:5 | Десницу Твою тако скажи ми, и окованныя {и наказанныя} сердцемъ въ мудрости. |
89:13 | Обратися, Господи, доколѣ? И умоленъ буди на рабы Твоя. |
89:14 См.: 🔗Ис. 33:2 🔗Пс. 137:8 | Исполнихомся заутра милости Твоея, Господи, и возрадовахомся и возвеселихомся: |
89:15 | во вся дни нашя возвеселихомся, за дни, въ няже смирилъ ны еси, лѣта, въ няже видѣхомъ злая. |
89:16 | И призри на рабы Твоя и на дѣла Твоя, и настави сыны ихъ. |
89:17 См.: 🔗Иов. 14:15 | И буди свѣтлость Господа Бога нашего на насъ, и дѣла рукъ нашихъ исправи на насъ, и дѣло рукъ нашихъ исправи. |