Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 90 | |
90:1 | Хвала пѣсни Давидовы, не надписанъ у Еврей. |
90:2 | Живый въ помощи Вышняго, въ кровѣ Бога небеснаго водворится, |
90:3 См.: 🔗Пс. 141:6 | речетъ Господеви: заступникъ мой еси и прибѣжище мое, Богъ мой, и уповаю на Него. |
90:4 | Яко Той избавитъ тя от сѣти ловчи и от словесе мятежна: |
90:5 См.: 🔗Мф. 23:37 | плещма Своима осѣнитъ тя, и подъ крилѣ Его надѣешися: оружiемъ обыдетъ тя истина Его. |
90:6 См.: 🔗2Цар. 22:31 🔗Пс. 83:12 | Не убоишися от страха нощнаго, от стрѣлы летящiя во дни, |
90:7 | от вещи во тмѣ преходящiя, от сряща {от нападенiя} и бѣса полуденнаго. |
90:8 См.: 🔗Иов. 11:19 | Падетъ от страны твоея тысяща, и тма одесную тебе, къ тебѣ же не приближится: |
90:9 См.: 🔗Пс. 91:12 🔗Пс. 111:8 | обаче очима твоима смотриши и воздаянiе грѣшниковъ узриши. |
90:10 | Яко ты, Господи, упованiе мое: Вышняго положилъ еси прибѣжище твое. |
90:11 | Не прiидетъ къ тебѣ зло, и рана не приближится тѣлеси твоему {селенiю твоему}: |
90:12 | яко Ангеломъ Своимъ заповѣсть о тебѣ, сохранити тя во всѣхъ путехъ твоихъ. |
90:13 См.: 🔗Иов. 5:23 | На рукахъ возмутъ тя, да не когда преткнеши о камень ногу твою: |
90:14 См.: 🔗Лк. 10:19 | на аспида и василиска наступиши, и попереши льва и змія. |
90:15 См.: 🔗Пс. 144:19 🔗Дан. 6:23 | Яко на Мя упова, и избавлю и: покрыю и, яко позна имя Мое. |
90:16 | Воззоветъ ко Мнѣ, и услышу его: съ нимъ есмь въ скорби, изму его и прославлю его: |
90:17 См.: 🔗Ис. 43:2 | долготою дній исполню его и явлю ему спасенiе Мое. |