Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 93 | |
93:1 | Псаломъ Давиду, въ четвертый субботы. |
93:2 См.: 🔗Втор. 32:35 🔗Рим. 12:19 | Богъ отмщенiй Господь, Богъ отмщенiй не обинулся есть. |
93:3 | Вознесися, Судяй земли, воздаждь воздаянiе гордымъ. |
93:4 | Доколѣ грѣшницы, Господи, доколѣ грѣшницы восхвалятся? |
93:5 См.: 🔗Пс. 51:3 | Провѣщаютъ и возглаголютъ неправду, возглаголютъ вси дѣлающiи беззаконiе? |
93:6 См.: 🔗Пс. 15:5 | Люди Твоя, Господи, смириша, и достоянiе Твое озлобиша: |
93:7 См.: 🔗Иез. 22:7 | вдовицу и сира умориша, и пришелца убиша, |
93:8 См.: 🔗Иов. 22:13 🔗Иов. 24:15 | и рѣша: не узритъ Господь, ниже уразумѣетъ Богъ Иаковль. |
93:9 | Разумѣйте же, безумнiи въ людехъ, и буiи нѣкогда, умудритеся: |
93:10 См.: 🔗Прит. 20:12 🔗Мал. 3:16 | насаждей ухо, не слышитъ ли? Или создавый око, не сматряетъ ли? |
93:11 | Наказуяй языки, не обличитъ ли, учай человѣка разуму? |
93:12 См.: 🔗1Кор. 3:20 | Господь вѣсть помышленiя человѣческая, яко суть суетна. |
93:13 См.: 🔗Иов. 5:17 🔗Прит. 3:12 | Блаженъ человѣкъ, егоже аще накажеши, Господи, и от закона Твоего научиши его: |
93:14 | укротити его от дній лютыхъ, дондеже изрыется грѣшному яма. |
93:15 См.: 🔗3Цар. 8:57 | Яко не отринетъ Господь людій Своихъ, и достоянiя Своего не оставитъ: |
93:16 | дондеже правда обратится на судъ, и держащiися ея вси правiи сердцемъ. |
93:17 | Кто востанетъ ми на лукавнующыя? Или кто спредстанетъ ми на дѣлающыя беззаконiе? |
93:18 | Аще не Господь помоглъ бы ми, вмалѣ вселилася бы во адъ душа моя. |
93:19 | Аще глаголахъ: подвижеся нога моя, милость Твоя, Господи, помогаше ми: |
93:20 | по множеству болѣзней моихъ въ сердцы моемъ, утѣшенiя Твоя возвеселиша душу мою. |
93:21 | Да не пребудетъ Тебѣ престолъ беззаконiя, созидаяй трудъ на повелѣнiе. |
93:22 | Уловятъ на душу праведничу, и кровь неповинную осудятъ. |
93:23 | И бысть мнѣ Господь въ прибѣжище, и Богъ мой въ помощь упованiя моего: |
93:24 | и воздастъ имъ Господь беззаконiе ихъ, и по лукавствiю ихъ погубитъ я Господь Богъ {нашъ}. |