Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 95 | |
95:1 | Хвала пѣсни Давиду, внегда домъ созидашеся по плѣненiи, не надписанъ у Еврей. |
95:2 См.: 🔗1Пар. 16:23 | Воспойте Господеви пѣснь нову, воспойте Господеви вся земля: |
95:3 | воспойте Господеви, благословите имя Его: благовѣстите день от дне спасенiе Его. |
95:4 | Возвѣстите во языцѣхъ славу Его, во всѣхъ людехъ чудеса Его. |
95:5 См.: 🔗Сир. 43:31 | Яко велiй Господь и хваленъ зѣло, страшенъ есть надъ всѣми боги. |
95:6 См.: 🔗Ис. 41:24 | Яко вси бози языкъ бѣсове: Господь же небеса сотвори. |
95:7 См.: 🔗1Пар. 16:27 | Исповѣданiе и красота предъ Нимъ, святыня и великолѣпiе во святилѣ Его. |
95:8 См.: 🔗1Пар. 16:29 🔗Пс. 28:1 | Принесите Господеви, отечествiя языкъ, принесите Господеви славу и честь. |
95:9 | Принесите Господеви славу имени Его: возмите жертвы и входите во дворы Его. |
95:10 | Поклонитеся Господеви во дворѣ святѣмъ Его: да подвижится от лица Его вся земля. |
95:11 См.: 🔗Зах. 9:10 | Рцыте во языцѣхъ, яко Господь воцарися: ибо исправи вселенную, яже не подвижится: судитъ людемъ правостiю. |
95:12 | Да возвеселятся небеса, и радуется земля: да подвижится море и исполненiе его: |
95:13 | возрадуются поля, и вся яже на нихъ: тогда возрадуются вся древа дубравная |
95:14 | от лица Господня, яко грядетъ, яко грядетъ судити земли: судити вселеннѣй въ правду, и людемъ истиною Своею. |