Псалтирь, псалом 96

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 96
96:1	Псаломъ Давиду, егда земля его устрояшеся, не надписанъ у еврей
96:2 См.: 🔗Пс. 92:1 🔗Пс. 98:1 🔗Зах. 9:10	Господь воцарися, да радует­ся земля, да веселят­ся острови мнози.
96:3 См.: 🔗Отк. 10:1 🔗Пс. 88:15	Облакъ и мракъ окрестъ Его: правда и судьба исправленiе престола Его.
96:4	Огнь предъ Нимъ предъидетъ и попалитъ окрестъ враги Его.
96:5 См.: 🔗Отк. 4:5 🔗Пс. 76:17	Освѣтиша молнiя Его вселен­ную: видѣ и подвижеся земля.
96:6	Горы яко воскъ растаяша от­ лица Господня, от­ лица Господа всея земли.
96:7 См.: 🔗Пс. 18:2	Возвѣстиша небеса правду Его, и видѣша вси людiе славу Его.
96:8 См.: 🔗Исх. 20:4 🔗Лев. 26:1 🔗Втор. 5:8	Да постыдят­ся вси кланя­ю­щiися истукан­нымъ, хвалящiися о идолѣхъ сво­ихъ: поклонитеся Ему, вси ангели Его.
96:9	Слыша и воз­веселися Сiонъ, и воз­радовашася дщери Иудейскiя, судебъ ради Тво­ихъ, Господи:
96:10 См.: 🔗Пс. 134:5	яко Ты Господь вышнiй надъ всею землею, зѣло превоз­несл­ся еси надъ всѣми боги.
96:11 См.: 🔗Ам. 5:15 🔗Рим. 12:9	Любящiи Господа, ненавидите злая: хранитъ Господь душы преподобныхъ Сво­ихъ, изъ руки грѣшничи избавитъ я.
96:12 См.: 🔗2Цар. 22:29 🔗Иов. 18:5 🔗Пс. 111:4	Свѣтъ воз­сiя праведнику, и правымъ сердцемъ веселiе.
96:13 См.: 🔗Пс. 31:11	Веселитеся, праведнiи, о Господѣ, и исповѣдайте память святыни Его.