Псалтирь, псалом 98

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 98
98:1	Псаломъ Давиду.
98:2 См.: 🔗Пс. 92:1 🔗1Цар. 4:4 🔗2Цар. 6:2	Господь воцарися, да гнѣвают­ся людiе: сѣдяй на Херувимѣхъ, да подвижит­ся земля.
98:3	Господь въ Сiонѣ великъ, и высокъ есть надъ всѣми людьми.
98:4 См.: 🔗Пс. 94:3 🔗Пс. 110:9	Да исповѣдят­ся имени Тво­ему великому, яко страшно и свято есть.
98:5 См.: 🔗Пс. 102:6	И честь царева судъ любитъ: Ты уготовалъ еси правоты, судъ и правду во Иаковѣ Ты сотворилъ еси.
98:6 См.: 🔗Ис. 6:3 🔗Отк. 4:8	Возносите Господа Бога на­шего и покланяйтеся подножiю ногу Его, яко свято есть.
98:7 См.: 🔗Исх. 32:11 🔗Чис. 14:13 🔗1Цар. 12:19	Моисей и Ааронъ во иереехъ Его, и Самуилъ въ при­­зывающихъ имя Его: при­­зываху Господа, и Той послушаше ихъ.
98:8 См.: 🔗Исх. 33:9	Въ столпѣ облачнѣ глаголаше къ нимъ: яко храняху свидѣнiя Его и повелѣнiя Его, яже даде имъ.
98:9	Господи Боже нашъ, Ты послушалъ еси ихъ: Боже, Ты милостивъ бывалъ еси имъ, и мщая на вся начинанiя ихъ.
98:10 См.: 🔗1Пет. 1:16	Возносите Господа Бога на­шего и покланяйтеся въ горѣ святѣй Его: яко святъ Господь Богъ нашъ.