Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 См.: 🔗3Цар. 3:9 🔗Иак. 1:5 | Всяка премудрость от Господа и съ нимъ есть во вѣкъ. |
1:2 См.: 🔗Сир. 18:8 | Песка морскаго, и капли дождевныя, и дни вѣка кто изочтетъ? |
1:3 | Высоту небесе и широту земли, и бездну и премудрость кто изслѣдитъ? |
1:4 См.: 🔗Прит. 8:22 🔗Кол. 1:15 | Прежде всѣхъ создася премудрость, и разумъ мудрости от вѣка. |
1:5 См.: 🔗Пс. 118:101 | Источникъ премудрости слово Божiе въ вышнихъ, и шествiя ея заповѣди вѣчныя. |
1:6 | Корень премудрости кому открыся? и коварства ея кто разумѣ? |
1:7 | Единъ есть премудръ, страшенъ зѣло, сѣдяй на престолѣ своемъ, Господь. |
1:8 | Самъ созда ю, и видѣ, и сочте ю, |
1:9 См.: 🔗Иак. 1:17 | и излiя ю на вся дѣла своя, |
1:10 См.: 🔗1Кор. 2:14 | со всякою плотiю по даянiю своему, и дарова ю любящымъ его. |
1:11 См.: 🔗Иер. 9:24 🔗Прит. 4:9 | Страхъ Господень слава и похвала, и веселiе и вѣнецъ радости. |
1:12 | Страхъ Господень возвеселитъ сердце и дастъ веселiе и радость и долгоденствiе. |
1:13 См.: 🔗Иов. 42:12 | Боящемуся Господа благо будетъ на послѣдокъ, и въ день скончанiя своего обрящетъ благодать. Страхъ Господень даръ от Господа и на стезяхъ любленiя поставляетъ. |
1:14 | Любленiе Господа преславная премудрость, и имже является, раздѣляетъ себе въ вѣдѣнiе его. |
1:15 См.: 🔗Прит. 1:7 🔗Прит. 9:10 | Начало премудрости боятися Господа, и съ вѣрными въ ложеснѣхъ создася имъ: съ человѣки основанiе вѣка угнѣзди и съ сѣменемъ ихъ увѣрится. |
1:16 | Исполненiе премудрости еже боятися Господа, и упоитъ ихъ от плодовъ ея: |
1:17 См.: 🔗Втор. 28:5 🔗Прем. 7:11 | весь домъ ихъ исполнитъ желанiй своихъ и сосуды от житъ ея. |
1:18 См.: 🔗Прит. 1:7 | Вѣнецъ мудрости страхъ Господень, возцвѣтаяй миръ и здравiе изцѣленiя: обоя же суть дары Божiи, и разширяетъ веселiе любящымъ его. |
1:19 См.: 🔗Втор. 4:6 | И видѣ и сочте ю: художество и вѣдѣнiе разума одожди, и славу держащихъ ю вознесе. |
1:20 См.: 🔗Пс. 91:13 | Корень премудрости еже боятися Господа, и вѣтви ея долгоденствiе. |
1:21 См.: 🔗Быт. 39:8 | Страхъ Господень отрѣяетъ грѣхи: пребываяй же въ немъ отвращаетъ гнѣвъ. |
1:22 См.: 🔗Иак. 1:20 | Не можетъ ярость неправедная оправдитися: устремленiе бо ярости его паденiе ему. |
1:23 | До времене стерпитъ долготерпѣливый, и послѣди воздастъ ему веселiе: |
1:24 | до времене скрыетъ словеса своя, и устнѣ вѣрныхъ исповѣдятъ разумъ его. |
1:25 | Въ сокровищихъ премудрости притча вѣдѣнiя: мерзость же грѣшнику богочестiе. |
1:26 | Возжелѣвъ премудрости, соблюди заповѣди, и Господь подастъ ю тебѣ: |
1:27 См.: 🔗Прит. 15:33 | премудрость бо и наказанiе страхъ Господень, и благоволенiе его вѣра и кротость. |
1:28 | Не сумнѣвайся о страсѣ Господни и не приступи къ нему сердцемъ раздвоенымъ. |
1:29 | Не лицемѣрствуй предъ усты человѣческими и устнамъ твоимъ вонми. |
1:30 | Не возносися, да не падеши и наведеши души твоей безчестiе, и открыетъ Господь тайная твоя и посредѣ сонма низложитъ тя: яко не приступилъ еси во истинѣ ко страху Господню, и сердце твое исполнено лукавства. |