Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 См.: 🔗Сир. 19:17 🔗Иак. 3:2 | Блаженъ мужъ, иже не поползнуся устнама своима и не уязвися печалiю грѣха. |
14:2 См.: 🔗1Ин. 3:21 | Блаженъ, емуже не зазрѣ душа его, и иже не спаде от надежды своея. |
14:3 См.: 🔗Сир. 31:28 | Мужеви скупому не лѣпо есть богатство, и человѣку завидливу на что имѣнiе? |
14:4 См.: 🔗Еккл. 5:9 | Собираяй от души своея инѣмъ собираетъ, и во благихъ его иніи насладятся. |
14:5 | Иже себѣ золъ, кому добръ будетъ? и не возвеселится во имѣнiи своемъ. |
14:6 См.: 🔗Прит. 11:17 | Завидящаго себѣ самому нѣсть злѣйша: и сiе воздаянiе злобы его. |
14:7 | Аще и добро творитъ, въ забытiи творитъ и на послѣдокъ изъявитъ злобу свою. |
14:8 | Лукавъ [есть] завидяй окомъ, отвращаяй лице и презираяй душы. |
14:9 См.: 🔗Прит. 27:20 🔗Кол. 3:5 | Око лихоимца не насыщается части, и обида лукаваго изсушаетъ душу. |
14:10 См.: 🔗Сир. 31:14 | Око лукаво завидливо и о хлѣбѣ, и на трапезѣ своей скудно. |
14:11 См.: 🔗Чис. 18:29 🔗Прит. 3:9 | Чадо, якоже имаши, добро твори себѣ, и приношенiя Господеви достойно приноси: |
14:12 См.: 🔗Евр. 9:27 | помяни, яко смерть не замедлитъ, и завѣтъ адовъ не показанъ ти бысть. |
14:13 | Прежде неже умреши ты, добро твори другу и по силѣ твоей простри и даждь ему. |
14:14 См.: 🔗Лк. 16:19 | Не лишися от дне добра, и часть желанiя блага да не прейдетъ тебе. |
14:15 См.: 🔗Лк. 12:20 | Не инѣмъ ли оставиши притяжанiя твоя и труды твоя, въ раздѣленiе жребiя? |
14:16 См.: 🔗Лк. 6:38 | Даждь и возми, и освяти душу твою: |
14:17 | яко нѣсть во адѣ взыскати сладости. |
14:18 | Всяка плоть яко риза обетшаетъ, завѣтъ бо от вѣка: смертiю умреши. |
14:19 См.: 🔗Еккл. 1:4 | Яко листъ расплощаяся на древѣ частѣ, овъ убо спадаетъ, другій же прозябаетъ: такожде и родъ плоти и крови, овъ убо умираетъ, овъ же родится. |
14:20 | Всякое дѣло гнiющее изчезаетъ, и дѣлаяй е съ нимъ отъидетъ. |
14:21 См.: 🔗Втор. 6:7 🔗Пс. 1:2 | Блаженъ мужъ, иже во премудрости умретъ и иже въ разумѣ своемъ поучается святыни: |
14:22 | размышляяй пути ея въ сердцы своемъ, и въ сокровенныхъ ея уразумится. |
14:23 | Изыди вслѣдъ ея яко изслѣдникъ и на путехъ ея присѣди. |
14:24 См.: 🔗Прит. 8:34 | Приницаяй сквозѣ оконца ея и при дверехъ ея послушаетъ. |
14:25 | Обитаяй близъ дому ея и вбiетъ колъ въ стѣны ея, поставитъ скинiю свою вскрай ея и обитати будетъ во обители благихъ, |
14:26 См.: 🔗Еф. 6:4 | положитъ чада своя въ покровѣ ея и подъ вѣтвьми ея водворится, |
14:27 | покрыется ею от зноя и во славѣ ея обитати будетъ. |