Книга Премудрости Иисуса, сына Сирахова, глава 16 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1	егда умножат­ся, не веселися о нихъ, аще нѣсть страха Господня съ ними.
16:2	Не желай чадъ множе­ст­ва неключимыхъ, ниже веселися о сынѣхъ нечестивыхъ:
16:3	Не вѣруй животу ихъ и не належи на множе­с­т­во ихъ:
16:4 См.: 🔗Прем. 4:1	лучше бо единъ праведникъ, нежели тысяща [грѣшникъ],
16:5	и умрети безчадному, нежели имѣти чада нечестива:
16:6 См.: 🔗Прит. 11:11	от­ единаго бо разумна населит­ся градъ, колѣно же беззакон­ныхъ запустѣетъ.
16:7	Многа сицевая видѣ око мое, и крѣпльшая сихъ слыша ухо мое.
16:8 См.: 🔗Чис. 11:1 🔗Втор. 29:20	Въ соборищи грѣшныхъ воз­горит­ся огнь, и во языцѣ непокоривѣ воз­горит­ся гнѣвъ.
16:9 См.: 🔗Быт. 6:4	Не умоленъ бысть [Богъ] о древнихъ исполинѣхъ, иже от­ступиша крѣпостiю сво­ею:
16:10 См.: 🔗Быт. 19:11	не пощадѣ о жилищи Лотовѣ, имиже воз­гнушася за гордыню ихъ:
16:11 См.: 🔗Быт. 19:24	не помилова языка погибель­наго, воз­несшагося во грѣсѣхъ сво­ихъ,
16:12 См.: 🔗Исх. 12:37 🔗Чис. 14:22 🔗Чис. 26:65	и тако шесть сотъ тысящъ пѣшцевъ, сошедшихся въ жестосердiи сво­емъ. И аще будетъ единъ жестоковыйный въ людехъ, дивно есть сiе, аще неповиненъ будетъ.
16:13 См.: 🔗1Цар. 2:6	Милость бо и гнѣвъ у него, силенъ умоленъ быти и излiяти гнѣвъ.
16:14	По мнозѣй милости его, тако много и обличенiе его: мужеви по дѣломъ его судитъ.
16:15 См.: 🔗Еккл. 8:12 🔗Прем. 3:9	Не убѣжитъ хищенiемъ грѣшный, и терпѣнiе благовѣрнаго не лишено будетъ.
16:16 См.: 🔗Мф. 10:42	Всяцѣй милостыни сотворитъ мѣсто: кійждо бо по дѣломъ сво­имъ обрящетъ.
16:17 См.: 🔗Иов. 22:14 🔗Сир. 23:25	Не рцы, яко от­ Господа скрыюся, еда свыше кто мя помянетъ?
16:18	въ людехъ множайшихъ не воспомяненъ буду, что бо есть душа моя въ безчислен­нѣй твари?
16:19 См.: 🔗2Пет. 3:10	се, небо и небо небесе Божiя, бездна и земля посѣщенiемъ его подвигнут­ся:
16:20 См.: 🔗Пс. 17:8	вкупѣ горы и основанiя земли, егда воз­зритъ на ня, трепетомъ стрясут­ся,
16:21	и о сихъ не размыслитъ сердце:
16:22 См.: 🔗Рим. 11:33	и пути его кто постигнетъ? и бурю юже не узритъ человѣкъ, множайшая же дѣлъ его въ сокровен­ныхъ:
16:23 См.: 🔗Иов. 12:13	дѣла правды его кто воз­вѣститъ? или кто стерпитъ? далече бо завѣтъ.
16:24	Умаляяйся сердцемъ размышляетъ сiя, а мужъ безуменъ и заблуждаяй размышляетъ буяя.
16:25	Послушай мене, чадо, и научися вѣдѣнiя, и на словеса моя внимай сердцемъ тво­имъ:
16:26	изъявляю въ мѣрилѣ наказанiе и со испытанiемъ воз­вѣщу вѣдѣнiе.
16:27 См.: 🔗Быт. 1:1	Судомъ Господнимъ дѣла его изъ начала, и от­ сотворенiя его раздѣли части ихъ:
16:28 См.: 🔗Иов. 9:9 🔗Пс. 147:6	украси во вѣкъ дѣла своя, и начала ихъ въ роды ихъ: ниже взалкаша, ниже утрудишася, и не престаша от­ дѣлъ сво­ихъ.
16:29	Кійждо искрен­няго сво­его не оскорби,
16:30	и даже до вѣка не воспротивят­ся глаголу его.
16:31	И по сихъ Господь на землю при­­зрѣ и исполни ю от­ благъ сво­ихъ:
16:32 См.: 🔗Еккл. 3:21	душа всякаго животна покры лице ея, и въ ню воз­вращенiе ихъ.