Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 17 | |
17:1 | Господь созда от земли человѣка, и паки возврати его въ ню. |
17:2 | Дни числа и время даде имъ, и даде имъ власть надъ сущими на ней. |
17:3 См.: 🔗Быт. 1:27 | Якоже они сами, облече ихъ крѣпостiю, и по образу своему сотвори я: |
17:4 См.: 🔗Быт. 1:28 🔗Быт. 9:2 | и положи страхъ его на всяцѣй плоти, еже властелствовати звѣрьми [и скоты] и птицами. |
17:5 См.: 🔗Быт. 2:20 | Помышленiе и языкъ и очи, уши и сердце даде имъ размышляти: |
17:6 | художествомъ разума исполни я и добрая и злая показа имъ. |
17:7 | Положилъ есть око свое на сердцахъ ихъ, показати имъ величество дѣлъ своихъ, |
17:8 | да имя святыни его восхвалятъ и да повѣдаютъ величества дѣлъ его. |
17:9 См.: 🔗Втор. 4:13 🔗Рим. 7:10 | Приложилъ имъ художество и законъ живота даде въ наслѣдiе имъ. |
17:10 См.: 🔗Быт. 12:1 🔗Исх. 20:1 | Завѣтъ вѣчный постави съ ними и судьбы своя показа имъ. |
17:11 | Величество славы видѣша очеса ихъ, и славу гласа ихъ слыша ухо ихъ. |
17:12 | И рече имъ: внемлите от всякiя неправды. и заповѣда имъ комуждо о искреннемъ. |
17:13 | Путiе ихъ предъ нимъ выну, не укрыются от очiю его. |
17:14 См.: 🔗Прем. 6:3 🔗Рим. 13:1 | Комуждо языку устроилъ вожда, |
17:15 См.: 🔗Втор. 4:20 | и часть Господня Израиль есть. |
17:16 См.: 🔗Сир. 23:27 | Вся дѣла ихъ яко солнце предъ нимъ, и очи его выну на путехъ ихъ: |
17:17 См.: 🔗Пс. 89:8 | не укрышася неправды ихъ от него, и вси грѣси ихъ предъ Господемъ. |
17:18 См.: 🔗Сир. 29:15 | Милостыня мужа яко печать съ нимъ, и благодать человѣчу яко зѣницу соблюдетъ. |
17:19 См.: 🔗Мф. 16:27 | По сихъ востанетъ и воздастъ имъ, и воздаянiе ихъ на главу ихъ воздастъ: |
17:20 | обаче кающымся далъ есть возвращенiе и утѣши изнемогающихъ терпѣнiемъ. |
17:21 См.: 🔗Иер. 3:12 | Обратися убо ко Господу и остави грѣхи: |
17:22 См.: 🔗Пс. 33:15 | помолися предъ лицемъ и умали претыканiя: |
17:23 | восходи къ вышнему и отвратися от неправды, и зѣло возненавиди мерзость. |
17:24 | Вышняго кто восхвалитъ во адѣ, вмѣсто живыхъ и дающихъ исповѣданiе? |
17:25 | От мертвеца яко ничто сущаго погибаетъ исповѣданiе: |
17:26 | живый же и здравый восхвалитъ Господа. |
17:27 См.: 🔗Пс. 102:13 🔗Еф. 2:3 | Коль велика милость Господня и очищенiе обращающымся къ нему? |
17:28 | Не могутъ бо вся быти въ человѣцѣхъ: |
17:29 | яко не безсмертенъ сынъ человѣческiй. |
17:30 См.: 🔗Рим. 8:7 🔗1Кор. 2:14 | Что свѣтлѣе солнца? и то изчезаетъ: и зло помыслитъ плоть и кровь. |
17:31 См.: 🔗Быт. 3:10 🔗Быт. 18:27 | Силу высоты небесныя той самъ назираетъ, человѣцы же вси земля и пепелъ. |