Книга Премудрости Иисуса, сына Сирахова, глава 18 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 18
18:1 См.: 🔗Быт. 1:31	Живый во вѣки созда вся обще. Господь единъ оправдит­ся:
18:2	никтоже доволенъ исповѣсти дѣлъ его,
18:3	и кто изслѣдитъ величiя его?
18:4	Державу величе­ст­ва его кто изочтетъ? и кто при­­ложитъ исповѣдати милости его?
18:5	Не лѣть умалити, ниже при­­ложити, и не лѣть изслѣдити чудесъ Господнихъ.
18:6 См.: 🔗Лк. 17:10	Егда скончаетъ человѣкъ, тогда начинаетъ, и егда престанетъ, тогда усумнит­ся.
18:7	Что есть человѣкъ? и что потреба его? что благо его? и что зло его?
18:8 См.: 🔗Пс. 89:10	Число дній человѣку много лѣтъ сто: яко капля морскія воды и зерно песка, тако мало лѣтъ въ день вѣка.
18:9 См.: 🔗2Пет. 3:9 🔗Прем. 12:18	Сего ради долготерпѣ Господь на нихъ и излiя на ня милость свою.
18:10	Видѣ и позна низвращенiе ихъ, яко зло,
18:11 См.: 🔗Иез. 13:23	сего ради умножи милосердiе свое.
18:12 См.: 🔗Мф. 5:45 🔗Мф. 6:12	Милость человѣча на искрен­няго сво­его, милость же Господня на всяку плоть.
18:13 См.: 🔗Пс. 117:18	Обличаяй и наказуяй, и научаяй и обращаяй яко пастырь стадо свое:
18:14	прiемлющихъ наказанiе милуетъ и тщащихся о судьбахъ его.
18:15 См.: 🔗Сир. 20:15 🔗Сир. 41:28	Чадо, во благихъ не даждь порока, и во всяцѣмъ даянiи печали словесъ.
18:16	Не устудитъ ли зноя роса? тако лучше слово, нежели даянiе.
18:17 См.: 🔗Прит. 16:24 🔗Прит. 25:11	Не се ли, слово паче даянiя блага? обоя же у мужа благодатна.
18:18	Буй неблагодарно поноситъ, и даянiе завидливаго истаеваетъ очи.
18:19	Прежде неже воз­глаголеши, увѣждь, и прежде недуга врачуйся:
18:20 См.: 🔗Лк. 4:23	прежде суда испытай себе и въ часъ посѣщенiя обрящеши очищенiе:
18:21 См.: 🔗Лк. 6:42	прежде даже въ недугъ не впадеши, смирися, и во время грѣховъ покажи обращенiе.
18:22 См.: 🔗Пс. 94:8 🔗Рим. 12:11	Не воспятися воз­дати обѣтъ благовремен­но и не ожидай даже до смерти оправдатися:
18:23	прежде даже не помолишися, уготови себе, и не буди яко человѣкъ искушая Господа.
18:24 См.: 🔗Сир. 1:30	Помяни гнѣвъ въ день скончанiя и время мести во от­вращенiи лица:
18:25 См.: 🔗Мф. 14:20	помяни время глада во время сытости, нищету и убоже­с­т­во въ день богат­ст­ва.
18:26 См.: 🔗Евр. 13:3	От утра до вечера измѣняет­ся время, и вся скора суть предъ Господемъ.
18:27 См.: 🔗Прит. 28:14	Человѣкъ премудръ во всемъ опасенъ будетъ и во днехъ грѣховъ вонметъ о согрѣшенiи.
18:28 См.: 🔗Прит. 1:5	Всякъ разумивъ позна премудрость, и обрѣтшему ю дастъ исповѣданiе.
18:29	Разумнiи въ словесѣхъ, и тіи умудришася и умножиша притчи испытны. воз­держанiе души.
18:30 См.: 🔗Рим. 6:12 🔗Рим. 8:13	Вслѣдъ похотей тво­ихъ не ходи и от­ похотѣнiй сво­ихъ воз­браняйся:
18:31	аще даси души тво­ей благоволенiе желанiя, сотворитъ тя обрадованiе врагомъ тво­имъ.
18:32 См.: 🔗Лк. 16:19	Не веселися о мнозѣй сладости и не связуйся сообщенiемъ ея.
18:33	Не буди нищь пирше­ст­вуяй от­ взаим­ст­ва, и ничто ти будетъ въ мѣшцѣ.