Книга Премудрости Иисуса, сына Сирахова, глава 21 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1 См.: 🔗Сир. 17:21	Чадо, согрѣшилъ ли еси, не при­­ложи ктому, и о прежднихъ тво­ихъ помолися.
21:2 См.: 🔗Втор. 32:33 🔗Ис. 59:5 🔗1Кор. 15:56	Якоже от­ лица змiина, бѣжи от­ грѣха: аще бо при­­ступиши къ нему, угрызнетъ тя:
21:3	зубы львовы зубы его, убивающiи душы человѣчи.
21:4 См.: 🔗Евр. 2:2 🔗Иак. 1:15 🔗1Пет. 2:24	Яко мечь обоюду остръ всяко беззаконiе, ранѣ его нѣсть изцѣленiя.
21:5 См.: 🔗Сир. 10:17	Прещенiе и досажденiе опустошатъ богат­ст­во: тако и домъ гордыхъ запустѣетъ.
21:6	Моленiе нищаго изъ устъ до ушiю его, и судъ его со тщанiемъ грядетъ.
21:7 См.: 🔗Прит. 13:13	Ненавидяй обличенiя послѣдуетъ грѣшнику, и бояйся Господа обратит­ся сердцемъ.
21:8	Познанъ есть издалеча сильный языкомъ, и разумивый вѣсть, егда поползает­ся.
21:9 См.: 🔗Прит. 28:22	Созидаяй домъ свой имѣнiемъ чуждимъ, якоже собираяй каменiе на гробъ себѣ.
21:10 См.: 🔗Быт. 19:24	Изгребiя собрана соборище беззакон­никовъ, и кончина ихъ пламень огненъ.
21:11 См.: 🔗Мф. 7:13	Путь грѣшниковъ углажденъ от­ каменiя, а на послѣдокъ его ровъ адовъ.
21:12 См.: 🔗Сир. 32:25	Сохраняяй законъ содержитъ помышленiе свое,
21:13 См.: 🔗Сир. 1:20	и совершенiе страха Господня премудрость.
21:14	Не накажет­ся, иже не есть коваренъ:
21:15 См.: 🔗Сир. 19:22	есть бо ковар­ст­во умножающее горесть.
21:16 См.: 🔗Прит. 18:4	Разумъ премудраго яко потопъ умножит­ся, и совѣтъ его яко источникъ живота.
21:17	Утроба буяго яко сосудъ сокрушенъ и всякаго разума не удержитъ.
21:18 См.: 🔗Иов. 21:14 🔗Иез. 5:6 🔗Ос. 4:6	Слово премудро аще услышитъ разумный, восхвалитъ е и къ нему при­­ложитъ: услыша е буй, и не угодно ему бысть, и обрати е за плещы своя.
21:19	Повѣсть буяго яко бремя на пути: во устнахъ же разумнаго обрящет­ся благодать.
21:20	Уста премудраго взыщут­ся въ собранiи, и словеса его размышлена будутъ въ сердцы.
21:21	Якоже домъ разоренъ, тако буяго премудрость, и разумъ неразумнаго неиспытны глаголы.
21:22	Пута на ногахъ неразумѣвающымъ наказанiя, и яко ручніи оковы на руцѣ деснѣй.
21:23	Буй во смѣхѣ воз­носитъ гласъ свой, мужъ же разумный едва тихо осклабит­ся.
21:24	Якоже утварь златая мудрому наказанiе, и якоже обручь на деснѣй мышцѣ его.
21:25	Нога буяго скора въ домъ, человѣкъ же много­искусный усрамит­ся от­ лица.
21:26	Безумный дверьми при­­ничетъ во храмину, мужъ же наказанъ внѣ станетъ.
21:27	Ненаказанiе человѣку слушати при­­ дверехъ, мудрый же отяготит­ся безчестiемъ.
21:28 См.: 🔗Еккл. 10:12	Устнѣ многорѣчивыхъ не своя си повѣдятъ, словеса же мудрыхъ въ мѣрилѣхъ станутъ.
21:29	Во устѣхъ буихъ сердце ихъ, въ сердцы же премудрыхъ уста ихъ.
21:30	Кленущу нечестивому сатану, самъ кленетъ свою душу.
21:31 См.: 🔗Сир. 5:16 🔗Сир. 28:15	Сквернитъ свою душу шепотливый, и гдѣ либо жити имать, воз­ненавидѣнъ будетъ.