Книга Премудрости Иисуса, сына Сирахова, глава 25 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 25
25:1 См.: 🔗Пс. 132:1	Треми украсихся и стахъ красна предъ Господемъ и человѣки:
25:2	единомыслiемъ братiй и любо­вiю искрен­нихъ, и мужъ и жена между собою согласни.
25:3 См.: 🔗Прит. 30:21	Три же виды воз­ненавидѣ душа моя, и зѣло ми омерзѣ животъ ихъ:
25:4 См.: 🔗Дан. 13:10	убога горда, и богата лжива, и стара прелюбо­дѣя умаляющагося умомъ.
25:5 См.: 🔗Прит. 6:6	Яже въ юности не собралъ еси, то како можеши обрѣсти въ старости тво­ей?
25:6	Коль есть красенъ сѣдинамъ судъ, и старѣйшымъ разумѣти совѣтъ?
25:7 См.: 🔗Прит. 16:31	Коль красна старымъ премудрость и славнымъ разумѣнiе и совѣтъ?
25:8	Вѣнецъ старцемъ многоразличное искус­ст­во, и похваленiе ихъ страхъ Господень.
25:9	Девять помышленiй ублажихъ въ сердцы мо­емъ, а десятое изреку языкомъ:
25:10 См.: 🔗Быт. 3:15 🔗Быт. 45:26	человѣкъ веселяйся о чадѣхъ, живяй и зряй паденiе враговъ.
25:11 См.: 🔗Иак. 3:2	Блаженъ живяй со женою разумною, и иже языкомъ [сво­имъ] не поползнуся, и иже не поработа недостойному себѣ.
25:12	Блаженъ, иже обрѣте мудрость и повѣдаяй во уши послуша­ю­щихъ.
25:13	Коль великъ, иже мудрость обрѣте, но нѣсть паче боящагося Господа.
25:14	Страхъ Господень паче всего предуспѣ, держай его кому уподобит­ся?
25:15 См.: 🔗Быт. 27:6 🔗Суд. 16:4	Всяка язва и не язва сердечная и всякое лукав­ст­во и не лукав­ст­во женско­е:
25:16	всякое нападенiе и не нападенiе ненавидящихъ, и всякое мщенiе и не от­мщенiе враговъ.
25:17 См.: 🔗Быт. 3:1	Нѣсть главы паче главы змiины, и нѣсть ярости паче ярости вражiя.
25:18 См.: 🔗Прит. 21:19	Лучше жити со львомъ и зміемъ, неже жити со женою лукавою.
25:19	Лукав­ст­во жены измѣняетъ зракъ ея и омрачаетъ лице свое яко вретище:
25:20	посредѣ искрен­нихъ сво­ихъ воз­ляжетъ мужъ ея, и слышавъ воз­дохнетъ горько.
25:21	Мала есть всяка злоба противу злобѣ женстѣй: жребiй грѣшника спадетъ на ню.
25:22	Якоже восхожденiе по песку ногама стараго, тако жена язычна мужу молчаливу.
25:23 См.: 🔗Быт. 34:1 🔗Суд. 16:4 🔗2Цар. 11:2	Не сматряй на красоту женскую и жены въ похоть не пожелай.
25:24	Гнѣвъ и безстудiе и срамота велика жена, аще обладаетъ мужемъ сво­имъ.
25:25	Сердце смирено, и лице дряхло, и язва сердечна жена лукава:
25:26	руцѣ немощныя и колѣна разслаблена, [жена] яже не блажитъ мужа сво­его.
25:27 См.: 🔗Быт. 3:6 🔗1Тим. 2:14	От жены начало грѣха, и тою умираемъ вси.
25:28	Не даждь водѣ прохода, ни женѣ лукавѣ дерзновенiя:
25:29	аще не ходитъ подъ рукою тво­ею, от­сѣцы ю от­ плоти тво­ея.