Книга Премудрости Иисуса, сына Сирахова, глава 3 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1	Мене отца послушайте, чада, и сице творите, да спасетеся:
3:2	Господь бо прослави отца на чадѣхъ и судъ матере утверди на сынѣхъ.
3:3 См.: 🔗Исх. 20:12 🔗Втор. 5:16 🔗Сир. 8:12 🔗Еф. 6:2	Чтый отца очиститъ грѣхи,
3:4	и яко сокровищ­ст­вуяй прославляяй матерь свою.
3:5	Чтый отца воз­веселит­ся о чадѣхъ и въ день мольбы сво­ея услышанъ будетъ.
3:6	Прославляяй отца долгоден­ствовати будетъ, и послушаяй Господа упокоитъ матерь свою.
3:7	Бояйся Господа почтитъ отца и яко владыкамъ послужитъ родив­шымъ его.
3:8 См.: 🔗Сир. 7:29 🔗Мф. 15:4 🔗Мк. 7:10	Дѣломъ и словомъ чти отца тво­его и матерь, да найдетъ ти благословенiе от­ нихъ.
3:9 См.: 🔗Быт. 27:27 🔗Втор. 33:1	Благословенiе бо отчее утверждаетъ домы чадъ, клятва же матерня искореняетъ до основанiя.
3:10	Не славися въ безчестiи отца тво­его, нѣсть бо ти слава отчее безчестiе:
3:11	слава бо человѣку от­ чести отца его, и поношенiе чадомъ мати въ безславiи.
3:12	Чадо, заступи въ старости отца тво­его и не оскорби его въ животѣ его:
3:13	аще и разумомъ оскудѣваетъ, прощенiе имѣй и не обезчести его всею крѣпостiю тво­ею.
3:14	Милость бо отча не забвена будетъ, и противу грѣховъ при­­созиждет­ся тебѣ:
3:15	въ день скорби тво­ея воспомянетъ тя: якоже ледъ от­ зноя, тако растаютъ грѣси тво­и.
3:16	Коль хуленъ оставляяй отца, и проклятъ Господемъ раздражаяй матерь свою.
3:17	Чадо, въ кротости дѣла твоя препровождай, и человѣкомъ прiятнымъ воз­любленъ будеши.
3:18 См.: 🔗Флп. 2:3	Елико великъ еси, толико смиряйся, и предъ Господемъ обрящеши благодать.
3:19 См.: 🔗Ис. 66:2 🔗Иак. 4:6	Мнози суть высоцы и славни: но кроткимъ от­крывают­ся тайны,
3:20	яко велiя сила Господня, и смирен­ными славит­ся.
3:21 См.: 🔗Рим. 12:3	Вышшихъ себе не ищи и крѣпльшихъ себе не испытуй.
3:22	Яже ти повелѣн­на, сiя разумѣвай: нѣсть бо ти потреба тайныхъ.
3:23 См.: 🔗Деян. 19:14	Во избытцѣхъ дѣлъ тво­ихъ не любо­пыт­ст­вуй: вящшая бо разума человѣческаго показана ти суть:
3:24	многи бо прельсти мнѣнiе ихъ, и мнѣнiе лукавно погуби мысль ихъ.
3:25	И любяй бѣд­ст­во впадетъ въ не:
3:26 См.: 🔗Иер. 6:7	сердце жестоко озлобит­ся на послѣдокъ:
3:27	сердце жестоко отяготит­ся болѣзньми, и грѣшникъ при­­ложитъ грѣхи на грѣхи.
3:28 См.: 🔗Прит. 16:18 🔗Дан. 5:20	Въ наведенiи величаваго нѣсть изцѣленiя: садъ бо лукав­ст­вiя вкоренися въ немъ.
3:29 См.: 🔗Ин. 8:47	Сердце разумиваго уразумѣетъ притчу, и ухо слышателя вожделѣнiе премудраго.
3:30 См.: 🔗Пс. 40:2 🔗Дан. 4:24 🔗Мф. 5:7	Огнь горящь угаситъ вода, и милостыня очиститъ грѣхи.
3:31	Воздаяй благодати помнимь бываетъ по сихъ и во время паденiя сво­его обрящетъ утвержденiе.