Книга Премудрости Иисуса, сына Сирахова, глава 32 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 32
32:1	Старѣйшину ли тя поставиша, не воз­носися, но буди въ нихъ яко единъ от­ нихъ:
32:2	попецыся ими, и тако сяди. И всю потребу твою сотворивъ воз­лязи,
32:3	да воз­веселишися ихъ ради и красоты ради прiимеши вѣнецъ.
32:4 См.: 🔗Иов. 12:12	Глаголи, старѣйшино, подобаетъ бо ти,
32:5	испытною хитростiю и не воз­брани мусикіи:
32:6 См.: 🔗Еккл. 3:7 🔗Сир. 20:7	идѣже слушанiе [будетъ], не изливай бесѣды и безъ времене не мудрися.
32:7	Печать Анѳракса на украшенiи златѣ, и сладкогласiе мусикиевъ въ пирше­ст­вѣ вина.
32:8	Во украшенiи златѣмъ печать смарагдова, сладкопѣнiе мусикиевъ по сладцѣмъ винѣ.
32:9	Глаголи, юноше, аще тебѣ есть потреба, едва дващи, аще вопрошенъ будеши:
32:10	сократи слово, малыми многая [изглаголи]: буди яко вѣдый и вкупѣ молчя.
32:11	Посредѣ вельможъ не равенъ творися и иному глаголющу не многослови.
32:12	Прежде грома предваряетъ молнiя, и прежде стыдливаго предваряетъ благодать.
32:13	Во время воставай, а не послѣди [иныхъ], въ домъ от­иди и не лѣнися:
32:14	тамо играй и твори помышленiя твоя, и не согрѣшай словомъ гордымъ.
32:15 См.: 🔗Втор. 8:10	И о сихъ благослови сотворшаго тя и упо­евающаго тя от­ благъ сво­ихъ.
32:16 См.: 🔗Иер. 25:3	Бояйся Господа прiиметъ наказанiе, и утреню­ю­щiи обрящутъ благоволенiе.
32:17 См.: 🔗Сир. 14:21 🔗2Пет. 2:20	Ищай закона насытит­ся его, и лицемѣр­ст­вуяй соблазнит­ся о немъ.
32:18	Боящiися Господа обрящутъ судъ и оправданiя яко свѣтъ воз­жгутъ.
32:19	Человѣкъ грѣшникъ укланяет­ся от­ обличенiя и по воли сво­ей обрѣтаетъ извиненiе.
32:20	Мужъ совѣтный не презритъ размышленiя, чуждый же и гордый не убо­ит­ся страха и по сотворенiи сво­емъ безъ совѣта.
32:21	Безъ совѣта ничесоже твори, и егда сотвориши, не раскаявайся.
32:22 См.: 🔗Прит. 15:19	На пути паденiя не ходи и не претыкайся о каменiе:
32:23 См.: 🔗Мих. 7:6	не вѣруй пути, въ немже не претыкаешися, и от­ чадъ сво­ихъ хранися.
32:24 См.: 🔗Пс. 36:5	Во всяцѣмъ дѣлѣ блазѣ вѣруй душею тво­ею, ибо сiе есть соблюденiе заповѣдiй.
32:25 См.: 🔗Пс. 33:11	Вѣруяй закону внимаетъ заповѣдемъ, и уповаяй на Господа не умалит­ся.