Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 33 | |
33:1 | Боящагося Господа не срящетъ зло: аще и въ напасть впадетъ, паки изметъ его. |
33:2 | Мужъ премудръ не возненавидитъ закона, сумняйжеся въ немъ якоже въ бури корабль. |
33:3 | Человѣкъ разумивъ вѣру иметъ закону, и законъ ему вѣренъ, |
33:4 | яко вопрошенiе праведныхъ. Приготови слово, и тако услышанъ будеши: сочетай наказанiе и тогда отвѣщай. |
33:5 См.: 🔗Сир. 21:28 | Коло колесничное утроба буяго, и якоже ось вертящаяся помышленiе его. |
33:6 | Конь на яжденiи яко другъ лицемѣренъ, подъ всякимъ яздящимъ ржетъ. |
33:7 См.: 🔗Кол. 2:16 | Почто день дне преспѣваетъ, и всякъ свѣтъ дне лѣта от солнца? |
33:8 См.: 🔗Быт. 2:3 | Разумомъ Господнимъ разлучистася, и измѣни время и праздники: |
33:9 См.: 🔗Лев. 23:2 | от нихъ вознесе и освяти, и от нихъ положи въ число дній. |
33:10 См.: 🔗Быт. 2:7 | И человѣцы вси от персти, и от земли созданъ бысть Адамъ. |
33:11 См.: 🔗Еф. 3:10 🔗1Кор. 12:4 | Множествомъ вѣдѣнiя Господь раздѣли я и измѣни пути ихъ. |
33:12 | От нихъ благослови и вознесе, и от нихъ освяти и къ себѣ приближи, от нихъ прокля и смири и соврати ихъ от стоянiя ихъ. |
33:13 См.: 🔗Ис. 45:9 🔗Рим. 9:20 | Яко бренiе скудельника въ руцѣ его, вси путiе его по изволенiю его: тако человѣцы въ руцѣ сотворшаго ихъ, имже воздастъ по суду своему. |
33:14 См.: 🔗Сир. 42:25 | [Яко] противу злому благое и противу смерти животъ, тако противу благочестиваго грѣшникъ. И сице воззри во вся дѣла вышняго: двое двое, едино противу единому. |
33:15 | Азъ же послѣднiй бдѣхъ и наслѣдихъ якоже от начатка, якоже собираяй вслѣдъ объимателей виноградныхъ. |
33:16 | Во благословенiе Господне достигохъ и яко объиматель наполнихъ точило. |
33:17 См.: 🔗Сир. 24:37 | Разсмотрите, яко не себѣ единому трудихся, но всѣмъ ищущымъ наказанiя. |
33:18 См.: 🔗Прем. 6:2 | Послушайте мене, вельможи людій, и властелiе собора, внушите. |
33:19 | Сыну и женѣ, брату и другу не даждь власти на себѣ въ животѣ своемъ, |
33:20 | и не даждь иному имѣнiя своего, да не раскаешися требуяй ихъ: |
33:21 | дондеже живъ еси и дыханiе въ тебѣ, не измѣни себе всяцѣй плоти: |
33:22 | лучше бо есть, да тебѣ молятся чада твоя, нежели тебѣ зрѣти въ руцѣ чадъ твоихъ. |
33:23 | Во всѣхъ дѣлѣхъ твоихъ буди преспѣвая и не даждь порока на славу твою. |
33:24 | Въ день скончанiя дній живота твоего и во время смерти твоея раздѣли наслѣдiе твое. |
33:25 | Пища и жезлiе и бремя ослу: хлѣбъ и наказанiе и дѣло рабу. |
33:26 См.: 🔗Прит. 29:21 | Накажи раба, и обрящеши покой: ослаби руку ему, и искати начнетъ свободы. |
33:27 | Иго и ремень выю прекланяютъ, и рабу лукаву узы и раны. |
33:28 | Вложи его въ дѣло, да не празденъ будетъ, мнозѣй бо злобѣ научила праздность: |
33:29 | устрой его въ дѣлѣхъ, якоже подобаетъ ему, и аще не послушаетъ, всади его во оковы. |
33:30 | И не буди излишенъ надъ всякою плотiю, и безъ суда не сотвори ничесоже. |
33:31 | Аще ти есть рабъ, да будетъ якоже ты, понеже кровiю стяжалъ еси его: |
33:32 | аще ти есть рабъ, имѣй его якоже брата, понеже яко души твоея востребуеши его: |
33:33 См.: 🔗Сир. 7:22 | аще озлобиши его неправедно, и воставъ отбѣжитъ, кіимъ путемъ поищеши его? [не вѣси.] |