Книга Премудрости Иисуса, сына Сирахова, глава 35 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 35
35:1 См.: 🔗1Цар. 15:22 🔗Прит. 21:3 🔗Иер. 7:22	Соблюдаяй законъ умножаетъ при­­ношенiя, при­­носитъ жертву спасенiя внимаяй заповѣдемъ.
35:2 См.: 🔗Тов. 4:8 🔗Флп. 4:18	Воздаяй благодать аки при­­носяй семидалъ, и творяй милостыню аки жряй жертву хваленiя.
35:3 См.: 🔗Ис. 1:11	Благоволенiе Господне еже от­ступити от­ лукав­ст­ва, и очищенiе есть еже от­ступити от­ неправды.
35:4 См.: 🔗Исх. 23:15 🔗Втор. 16:16	Не явися предъ Господемъ тощь: вся бо сiя заповѣди ради.
35:5 См.: 🔗Быт. 4:4	Приношенiе праведнаго утучняетъ олтарь, и благо­уханiе его предъ вышнимъ:
35:6	жертва мужа праведнаго прiятна, и память ея не забвена будетъ.
35:7 См.: 🔗Исх. 23:19	Окомъ благимъ прослави Господа и не умали от­ начатка рукъ тво­ихъ:
35:8 См.: 🔗2Кор. 9:7	во всяцѣмъ даянiи весело имѣй лице твое и со веселiемъ освяти десятину.
35:9 См.: 🔗Тов. 4:8	Даждь вышнему по даянiю его, и окомъ благимъ при­­обрѣтенiе руки:
35:10	яко Господь воз­даяй есть и седмерицею воз­дастъ ти.
35:11	Дара не умаляй, ибо не прiиметъ, и не внимай жертвѣ неправеднѣй:
35:12 См.: 🔗Втор. 10:17	яко Господь судiя есть, и нѣсть у него славы лица.
35:13	Не прiиметъ лица на убога и молитву обидимаго услышитъ:
35:14	не презритъ молитвы сираго, ни вдовицы, егда излiетъ прошенiе.
35:15 См.: 🔗Исх. 22:22 🔗Втор. 27:19	Не слезы ли вдовичи по ланитома текутъ, и вопль ея на наведшаго я?
35:16	Служай [Богу] во благоволенiи прiятъ будетъ, и молитва его до облакъ дойдетъ:
35:17 См.: 🔗Иак. 5:16	молитва смирен­наго пройде облаки, и дондеже при­­ближит­ся, не утѣшит­ся,
35:18 См.: 🔗Исх. 2:24	и не от­ступитъ, дондеже посѣтитъ вышнiй, судитъ въ правду и сотворитъ судъ:
35:19 См.: 🔗2Пет. 3:9	и Господь не замедлитъ, ниже имать долготерпѣти о нихъ, дондеже сокрушитъ чресла немилостивыхъ.
35:20	И языкомъ воз­дастъ месть, дондеже потребитъ множе­с­т­во досадителей и скиптры неправедныхъ сокрушитъ:
35:21 См.: 🔗Пс. 61:13 🔗Рим. 2:6 🔗2Фес. 1:6	дондеже воз­дастъ человѣку по дѣяниемъ его, по дѣломъ человѣческимъ и помышлениемъ ихъ:
35:22	дондеже разсудитъ судомъ люди своя и воз­веселитъ я милостiю сво­ею.
35:23	Коль красна милость во время скорби его, якоже облацы дождевнiи во время бездождiя.