Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 39 | |
39:1 | Точiю вдаяй душу свою и размышляяй въ законѣ вышняго премудрости всѣхъ древнихъ взыщетъ и во пророчествiихъ поучатися будетъ: |
39:2 | повѣсти мужей именитыхъ соблюдетъ и во извитiя притчей совнидетъ, |
39:3 См.: 🔗Тит. 1:9 | сокровенная притчей изыщетъ и въ гаданiи притчей поживетъ, |
39:4 | посредѣ вельможъ послужитъ и предъ старѣйшину явится, |
39:5 | въ земли чуждихъ языкъ пройдетъ, добро бо и зло въ человѣцѣхъ искуси. |
39:6 | Сердце свое вдастъ утреневати ко Господу сотворшему его и предъ вышнимъ помолится, и отверзетъ уста своя на молитву и о грѣсѣхъ своихъ помолится. |
39:7 См.: 🔗1Кор. 2:13 🔗2Тим. 2:7 | Аще Господь велiй восхощетъ, духомъ разума исполнится: |
39:8 См.: 🔗Втор. 32:2 🔗Ис. 55:10 | той одождитъ глаголы премудрости своея и въ молитвѣ исповѣстся Господеви, |
39:9 | той управитъ совѣтъ его и художество и въ сокровенныхъ его размышляти будетъ, |
39:10 | той извѣститъ наказанiе ученiя его и въ законѣ завѣта Господня похвалится. |
39:11 | Восхвалятъ разумъ его мнози, и до вѣка не погибнетъ: |
39:12 См.: 🔗Прит. 10:7 | не отъидетъ память его, и имя его поживетъ въ роды родовъ: |
39:13 См.: 🔗2Тим. 2:2 | премудрость его повѣдятъ языцы, и хвалу его исповѣсть церковь. |
39:14 | Аще пребудетъ, приусвоитъ себѣ, и аще почіетъ, имя оставитъ паче тысящъ. |
39:15 | Еще размысливъ повѣмъ, и якоже луны полнота наполнихся. |
39:16 | Послушайте мене, преподобнiи сынове, и прозябните яко шипки произрастающыя при потоцѣ селнѣмъ, |
39:17 См.: 🔗Флп. 4:18 | и якоже Ливанъ дадите благовонiе, |
39:18 | и процвѣтите цвѣтъ яко кринъ, преподадите воню и воспойте пѣснь. |
39:19 | Благословите Господа во всѣхъ дѣлѣхъ его, дадите имени его величiе и исповѣдайтеся во хваленiи его, |
39:20 | въ пѣснехъ устенъ и въ гуслехъ, и сице рцыте во исповѣданiи: |
39:21 См.: 🔗Быт. 1:31 | дѣла Господня вся яко добра зѣло, и всяко повелѣнiе во время свое будетъ. |
39:22 | И нѣсть рещи: что сiе? на что сiе? вся бо сiя во время свое взыскана будутъ. |
39:23 См.: 🔗Исх. 14:21 🔗Нав. 3:16 | Словомъ его ста вода яко стогъ, и глаголомъ устъ его прiятелища водная. |
39:24 | Повелѣнiемъ его всякое благоволенiе, и нѣсть, иже умалитъ спасенiе его. |
39:25 См.: 🔗Пс. 138:1 | Дѣла всякiя плоти предъ нимъ, и нѣсть укрытися от очесъ его: |
39:26 См.: 🔗Еккл. 1:9 | от вѣка на вѣкъ призрѣ, и ничтоже есть дивно предъ нимъ. |
39:27 | Нѣсть рещи: что сiе? на что сiе? вся бо на потребу ихъ создана быша. |
39:28 См.: 🔗Пс. 64:11 | Благословенiе его яко рѣка покры и яко потокъ сушу напои: |
39:29 См.: 🔗Пс. 93:10 | сице гнѣвъ его языцы наслѣдятъ, яко преврати воду въ сланость. |
39:30 См.: 🔗Пс. 17:27 🔗Лк. 7:35 | Путiе его преподобнымъ прави, тако беззаконникомъ претыканiя. |
39:31 См.: 🔗Рим. 8:28 🔗Быт. 1:17 | Благая благимъ создана быша изъ начала, такожде грѣшнымъ злая. |
39:32 См.: 🔗Сир. 29:24 | Начало всякiя потребы въ житiе человѣку, вода и огнь, и желѣзо и соль, и семидалъ пшеницы и млеко и медъ, кровь гроздова и масло и риза: |
39:33 | вся сiя благочестивымъ во благая, сице и грѣшникомъ превратятся во злая. |
39:34 | Суть дуси, иже создани быша на месть и яростiю своею утвердиша раны имъ: |
39:35 | во время скончанiя излiютъ крѣпость и ярость сотворшаго ихъ совершатъ. |
39:36 См.: 🔗Пс. 147:6 | Огнь и градъ, и гладъ и смерть, вся сiя создана быша на месть: |
39:37 См.: 🔗Сир. 40:10 | зубы звѣрей и скорпіи, и ехидны и мечь отмщаяй въ погибель нечестивыхъ, |
39:38 См.: 🔗Иов. 37:12 | въ заповѣдехъ его возвеселятся, и на земли на потребу уготовятся, и во бременахъ своихъ не имутъ прейти слова. |
39:39 | Сего ради исперва утвердихся и размыслихъ и въ писанiи оставихъ: |
39:40 См.: 🔗Быт. 1:31 | вся дѣла Господня блага, и всю потребу во время свое подастъ: |
39:41 | и нѣсть рещи: сiе сего злѣе: вся бо во время на угожденiе будутъ. |
39:42 | И нынѣ всѣмъ сердцемъ и усты воспойте и благословите имя Господне. |