Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 4 | |
4:1 | Чадо, живота нищаго не лиши и не отвращай очесъ от просящаго, |
4:2 См.: 🔗Прит. 3:27 | души алчущiя не оскорби и не разгнѣвай мужа въ нищетѣ его, |
4:3 См.: 🔗Сир. 7:11 | сердца раздраженаго не превозмути и не продолжай даянiя требующему, |
4:4 | раба скорбяща не отрѣй и не отврати лица твоего от нищаго, |
4:5 | от требующаго не отврати очесъ и не даждь мѣста человѣку кляти тя: |
4:6 | кленущаго бо тя въ горести души своея мольбу услышитъ сотворивый его. |
4:7 См.: 🔗Флп. 4:8 | Прiятна соборищу твори себе и князю смиряй главу твою, |
4:8 | приклони ухо твое къ нищему и отвѣщай ему мирная въ кротости, |
4:9 См.: 🔗Быт. 14:14 | изми обидимаго изъ руки обидящаго и не малодушествуй, егда судиши, |
4:10 См.: 🔗Иов. 29:12 | буди сирымъ яко отецъ и вмѣсто мужа матери ихъ: |
4:11 См.: 🔗Ис. 49:15 | и будеши яко сынъ вышняго, и возлюбитъ тя паче неже мати твоя. |
4:12 | Премудрость сыны своя вознесе и заступаетъ ищущихъ ея: |
4:13 | любяй ю любитъ жизнь, и утренюющiи къ ней исполнятся веселiя: |
4:14 См.: 🔗Пс. 1:3 | держайся ея наслѣдитъ славу, и идѣже входитъ, благословитъ его Господь: |
4:15 | служащiи ей послужатъ святому, и любящихъ ю любитъ Господь: |
4:16 См.: 🔗1Цар. 15:22 🔗Прит. 8:12 | слушаяй ея судити имать языки, и внимаяй ей вселится надѣявся. |
4:17 | Аще увѣруеши, наслѣдиши ю, и во одержанiи будутъ роды его: |
4:18 | яко стропотно ходитъ съ нимъ въ первыхъ, боязнь же и страхъ наведетъ нань |
4:19 См.: 🔗Прит. 3:12 | и помучитъ его въ наказанiи своемъ, дондеже вѣру иметъ души его и искуситъ его во оправданiихъ своихъ, |
4:20 | и паки возвратится прямо къ нему и возвеселитъ его |
4:21 | и открыетъ ему тайны своя: |
4:22 | аще заблудитъ, оставитъ его и предастъ его въ руцѣ паденiя его. |
4:23 См.: 🔗Рим. 12:11 | Блюди время и хранися от лукаваго, |
4:24 | и о души твоей не постыдися: |
4:25 См.: 🔗Сир. 41:19 | есть бо стыдъ наводяй грѣхъ, и есть стыдъ слава и благодать. |
4:26 | Не прiими лица на душу твою и не срамляйся о паденiи твоемъ. |
4:27 | Не возбрани словесе во время спасенiя: |
4:28 | въ словеси бо познана будетъ премудрость, и наказанiе въ глаголѣхъ языка. |
4:29 См.: 🔗Тит. 1:9 | Не прерѣкай противу истины и о ненаказанiи твоемъ срамляйся: |
4:30 См.: 🔗1Ин. 1:9 | не стыдися исповѣдати грѣхи твоя и не воспящай быстрины рѣчныя. |
4:31 | И не подстелися мужу бую и не обинися лица сильнаго. |
4:32 | Даже до смерти подвизайся о истинѣ, и Господь Богъ поборетъ по тебѣ. |
4:33 | Не буди скоръ языкомъ твоимъ, лѣнивъ же и слабъ въ дѣлѣхъ твоихъ. |
4:34 | Не буди яко левъ въ дому твоемъ и жестоконеистовъ въ рабѣхъ твоихъ. |
4:35 См.: 🔗Деян. 20:35 | Не буди рука твоя простерта на взятiе, а на отдаянiе согбена. |