Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 40 | |
40:1 | Непразднство велiе создано бысть всякому человѣку, и иго тяжко на сынѣхъ Адамлихъ, от дне исхода изъ чрева матере ихъ до дне погребенiя въ матерь всѣхъ. |
40:2 См.: 🔗Еккл. 1:8 🔗Евр. 9:27 | Размышленiя ихъ и страхъ сердечный, помышленiе чаянiя, день скончанiя: |
40:3 См.: 🔗Пс. 81:7 🔗Прем. 6:5 | от сѣдящаго на престолѣ славы и даже до смиреннаго на земли и пепелѣ, |
40:4 | от носящаго багряницу и вѣнецъ и даже до одѣвающагося льняною, |
40:5 См.: 🔗Иов. 7:13 | ярость и зависть, и мятежъ и молва, и страхъ смерти и вражда и рвенiе, и во время покоя на ложи сонъ нощный измѣняетъ разумъ его: |
40:6 | мало яко ничтоже на покой, и от того во снѣхъ яко во днехъ блюденiя: |
40:7 | возмущенъ видѣнiемъ сердца своего, яко избѣжавъ от лица брани, во время спасенiя своего воста, и дивяся ни при единѣмъ же страсѣ. |
40:8 | Со всякою плотiю от человѣка даже до скота, и на грѣшныхъ седмерицею къ симъ: |
40:9 | смерть и кровь, и рвенiе и оружiе, наведенiя, гладъ и сокрушенiе и раны, |
40:10 См.: 🔗Быт. 7:12 | на беззаконныхъ создана быша сiя вся, и сихъ ради бысть потопъ. |
40:11 | Вся, елика от земли, въ землю возвращаются, и от воды, въ море возвращаются. |
40:12 | Всякъ даръ и неправда истребится, а вѣра во вѣкъ стояти будетъ. |
40:13 См.: 🔗Иов. 6:15 | Имѣнiе неправедныхъ яко рѣка изсхнетъ, и якоже громъ великъ въ дождь возгремитъ. |
40:14 См.: 🔗Пс. 36:20 | Егда разгнетъ руцѣ, возвеселится, тако преступающiи до конца изчезнутъ. |
40:15 См.: 🔗Прем. 4:4 | Изчадiя нечестивыхъ не умножатъ вѣтвiй, и коренiя нечистая на твердѣ камени: |
40:16 | злакъ надъ всякою водою и на брезѣ рѣки прежде всякiя травы исторженъ будетъ. |
40:17 | Благодать яко рай во благословенiихъ, и милостыня во вѣкъ пребываетъ. |
40:18 См.: 🔗Флп. 4:12 🔗1Тим. 6:6 | Животъ самодоволнаго дѣлателя усладится, и паче обоихъ обрѣтаяй сокровище. |
40:19 См.: 🔗Прит. 31:23 | Чада и созиданiе града утверждаютъ имя, и паче обоихъ жена непорочна вмѣняется. |
40:20 См.: 🔗Пс. 103:15 | Вино и мусикіа веселятъ сердце, а паче обоихъ возлюбленiе премудрости. |
40:21 | Свирѣль и псалтирь услаждаютъ пѣснь, а паче обоихъ языкъ сладкiй. |
40:22 | Благодати и доброты возжелаетъ око твое, а паче обоихъ злака сѣмене. |
40:23 | Прiятель и другъ срѣтающася во время, а паче обоихъ жена съ мужемъ. |
40:24 См.: 🔗Лк. 16:9 | Братiя и помощь во время скорби, а паче обоихъ милостыня избавитъ. |
40:25 | Злато и сребро утвердятъ ногу, а паче обоихъ совѣтъ благоугоденъ будетъ. |
40:26 См.: 🔗Сир. 1:20 | Имѣнiе и крѣпость вознесутъ сердце, а паче обоихъ страхъ Господень: |
40:27 См.: 🔗Тов. 4:21 🔗Пс. 33:10 | нѣсть во страсѣ Господни умаленiя и нѣсть въ немъ лишенiя помощи: |
40:28 | страхъ Господень яко рай благословенiя, и паче всякiя славы покры его. |
40:29 | Чадо, животомъ просливымъ не живи: лучше умрети, нежели просити. |
40:30 | Мужъ зря на чуждую трапезу, нѣсть животъ его въ числѣ живота: опечалитъ душу свою чуждыми брашны: |
40:31 | мужъ же худогъ и наказанъ сохранится. |
40:32 | Во устѣхъ нестыдливаго прошенiе усладится, и во чревѣ его огнь возгорится. |