Книга Премудрости Иисуса, сына Сирахова, глава 41 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 41
41:1	О смерте, коль горька твоя есть память человѣку мирно во имѣнiихъ сво­ихъ живущу,
41:2	мужеви не пекущуся и благополучну во всѣхъ, и еще воз­могающу прiяти пищу.
41:3 См.: 🔗Иов. 5:26	О, смерте, добръ судъ твой есть человѣку требу­ю­щему и умаляющуся крѣпостiю,
41:4	въ послѣдней старости сущему и пекущуся о всѣхъ, и невѣр­ст­ву­ю­щу и погубив­шу терпѣнiе.
41:5 См.: 🔗Пс. 88:49	Не бойся суда смерти: помяни первая твоя и послѣдняя, сей бо судъ от­ Господа всяцѣй плоти.
41:6	И почто от­мещешися благоволенiя вышняго? аще десять, аще сто, аще тысяща лѣтъ,
41:7 См.: 🔗Прем. 4:13	нѣсть во адѣ обличенiя живота.
41:8 См.: 🔗Прем. 3:12	Чада бываютъ мерзка чада грѣшниковъ, и живущая въ селенiихъ нечестивыхъ:
41:9 См.: 🔗Иов. 20:10	чадъ грѣшныхъ погибнетъ наслѣдiе, и съ сѣменемъ ихъ выну поношенiе.
41:10 См.: 🔗Прем. 3:16	Отца нечестива укорятъ чада, яко его ради поношенiе прiимутъ.
41:11	Горе вамъ, мужiе нечестивiи, иже остависте законъ Бога вышняго:
41:12	и аще родитеся, на клятву родитеся: и аще умрете, въ клятву раздѣлени будете.
41:13 См.: 🔗Быт. 3:19 🔗Сир. 40:11	Вся, елика от­ земли, въ землю пойдутъ: такожде нечестивiи от­ клятвы въ пагубу.
41:14	Сѣтованiе человѣковъ въ тѣлесѣхъ ихъ: имя же грѣшниковъ неблагое потребит­ся.
41:15 См.: 🔗Прит. 22:1	Пецыся о имени, то бо ти пребываетъ паче тысящъ великихъ сокровищъ злата.
41:16 См.: 🔗Еккл. 7:1	Благаго житiя число дній, и доброе имя во вѣки пребываетъ.
41:17	Наказанiе въ мирѣ соблюдите, чада: премудрость же сокровен­на и сокровище неявлен­но, кая польза во обо­ихъ?
41:18	Лучше человѣкъ скрываяй буй­ст­во свое, нежели человѣкъ скрываяй премудрость свою.
41:19 См.: 🔗Сир. 4:25	Тѣмже убо усрамитеся словесъ мо­ихъ:
41:20	нѣсть бо благо всякъ срамъ сохраняти, и не вся всѣмъ въ вѣрѣ благоволят­ся.
41:21	Стыдитеся предъ отцемъ и матерiю о блудѣ и предъ сильнымъ и властелиномъ о лжи,
41:22	предъ судiею и княземъ о согрѣшенiи, предъ соборомъ и людьми о беззаконiи,
41:23	предъ общникомъ и другомъ о неправдѣ, и на мѣстѣ, идѣже живеши, о татьбѣ,
41:24	и предъ истиною Божiею и завѣтомъ, и от­ опертiя лактей на трапезѣ, от­ прельщенiя взятiя и даянiя,
41:25	и от­ цѣлующихъ о молчанiи, от­ видѣнiя жены блудницы и от­ от­вращенiя сроднича лица,
41:26 См.: 🔗Исх. 20:17 🔗Иов. 31:1 🔗Мф. 5:28	от­ отъ­ятiя части и даянiя и от­ при­­смотренiя жены мужаты и от­ обольщенiя рабыни сво­ея,
41:27	и не при­­ступи ко одру ея:
41:28 См.: 🔗Сир. 18:15 🔗Сир. 20:15	предъ други о словесѣхъ поносныхъ, и по даянiи не поноси:
41:29 См.: 🔗Сир. 19:24 🔗Сир. 27:18	от­ повторенiя и слова слышанiя и от­ от­кровенiя словесъ тайныхъ: и будеши стыдливъ истин­но и обрѣтаяй благодать предъ всякимъ человѣкомъ.