Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 42 | |
42:1 См.: 🔗Втор. 1:17 🔗Иак. 2:1 | Не стыдися о сихъ и не прiими лица, еже согрѣшати: |
42:2 | о законѣ вышняго и завѣтѣ, и о судѣ, еже оправдати нечестиваго, |
42:3 | о словеси сообщника и о путницѣхъ, и о даянiи наслѣдiя друговъ, |
42:4 | о истинѣ мѣрила и вѣсовъ, о стяжанiи многихъ и малыхъ, |
42:5 См.: 🔗Сир. 33:27 | о различiи продаянiя купцевъ и о наказанiи мнозѣ чадъ, и еже рабу лукаву ребра окровавити. |
42:6 | На женѣ лукавѣ добро [есть] печать, и идѣже многи руки, затвори. |
42:7 | Еже аще предаси, въ число и мѣру, даждь и возми все писанiемъ. |
42:8 | О наказанiи неразумива и буяго, и престарѣлаго судящагося съ юными, и будеши наказанъ истинно и искушенъ предъ всякимъ живущимъ. |
42:9 См.: 🔗Сир. 7:26 | Дщерь отцу сокровенно бдѣнiе, и попеченiе о ней отгоняетъ сонъ: во юности своей да не когда презрѣетъ и сожителствующи [съ мужемъ], да не когда возненавидѣна будетъ: |
42:10 | въ дѣвствѣ да не когда осквернится и во отчихъ ея непраздна будетъ, и съ мужемъ сущи да не когда преступитъ и сожителствующи да не когда неплоды будетъ. |
42:11 См.: 🔗Сир. 26:12 | Надъ дщерiю безстудною утверди стражу, да не когда сотворитъ тя обрадованiе врагомъ, бесѣду во градѣ и отлученаго от людій, и посрамитъ тя въ народѣ мнозѣ. |
42:12 См.: 🔗Иов. 31:1 | Не взирай на доброту всякаго человѣка и посредѣ женъ не сѣди: |
42:13 См.: 🔗Прит. 7:27 | от ризъ бо исходитъ молiе, и от жены лукавство женское. |
42:14 | Лучше злоба мужеска, нежели добродѣтелная жена, и жена посрамляющая въ поношенiе. |
42:15 См.: 🔗Рим. 1:20 | Помяну убо дѣла Господня, и яже видѣхъ, повѣмъ: во словесѣхъ Господнихъ дѣла его: |
42:16 | солнце просвѣщая на вся призрѣ, и славы его исполнено дѣло его. |
42:17 | Не сотвори ли святымъ Господь повѣдати вся чудеса его, яже утверди Господь Вседержитель, утвердитися всему во славѣ его? |
42:18 | Бездну и сердце изслѣдова и въ коварствѣхъ ихъ размысли: разумѣ бо Господь всяко вѣдѣнiе и призрѣ на знаменiе вѣка, |
42:19 См.: 🔗Пс. 138:2 | возвѣщая мимошедшая и будущая и открывая слѣды тайныхъ: |
42:20 | не прейде его всяко помышленiе, не утаися от него ни едино слово. |
42:21 См.: 🔗Пс. 89:3 | Величiя премудрости своея украси: иже есть прежде вѣка и во вѣкъ, |
42:22 См.: 🔗Рим. 11:34 🔗1Кор. 13:9 | ни приложися, ни умалися и не востребова ни единаго совѣтника. |
42:23 | Коль вся дѣла его вожделѣнна, и даже до искры есть видѣти. |
42:24 | Вся сiя живутъ и пребываютъ во вѣкъ во всѣхъ требованiихъ, и вся послушаютъ. |
42:25 См.: 🔗Сир. 33:14 | Вся сугуба, едино противу единаго: и не сотвори ничтоже скудно. |
42:26 | Едино от единаго утверди благая: и кто насытится, зря славу его? |