Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 46 | |
46:1 См.: 🔗Чис. 27:18 | Крѣпокъ на бранехъ иисусъ навинъ и преемникъ Моисеовъ бысть во пророчествѣ: |
46:2 | иже бысть по имени своему великъ на спасенiе избранныхъ его, мстити востающымъ [нань] врагомъ, яко да наслѣдствитъ Израиля. |
46:3 | Коль прославленъ бысть воздвиженiемъ рукъ своихъ, и внегда простираше мечь на грады. |
46:4 | Кто прежде его сице ста? брани бо Господни той вождаше. |
46:5 См.: 🔗Нав. 10:12 | Не рукою ли его воспятися солнце, и единъ день бысть яко два? |
46:6 | Призва вышняго сильна, егда оскорбляху его врази окрестъ, и послуша его велiй Господь: каменiемъ граднымъ силы крѣпкiя |
46:7 | устреми брань на языки, исхожденiемъ погуби противники, |
46:8 | да познаютъ языцы всеоружiе его, яко предъ Господемъ брань его: ибо послѣдова могутному. |
46:9 См.: 🔗Чис. 14:6 | И во дни Моисеовы сотвори милость сей и халевъ сынъ Иефонніинъ, стати противу врага, удержати люди от грѣхъ и утолити ропотъ лукавства: |
46:10 См.: 🔗Чис. 26:65 | и та два суща спасена быста от шести сотъ тысящъ пѣшцевъ, ввести ихъ въ наслѣдствiе, въ землю точащую млеко и медъ. |
46:11 См.: 🔗Нав. 14:11 | И даде Господь халеву крѣпость, и даже до старости пребысть у него, взыти ему на высоту земли, и сѣмя его обдержа наслѣдiе: |
46:12 | яко да видятъ вси сынове Израилевы, яко добро ходити вслѣдъ Господа. |
46:13 | И судiи кійждо именемъ своимъ, еликихъ не любодѣйствова сердце, и елицы не отвратишася от Господа, и память ихъ во благословенiихъ: |
46:14 См.: 🔗Сир. 49:12 🔗Ис. 66:14 | кости ихъ да процвѣтутъ от мѣста ихъ, |
46:15 | и имя ихъ премѣняемо на сынѣхъ, прославленнымъ бывшымъ имъ. |
46:16 См.: 🔗1Цар. 10:1 | Возлюбленъ Господемъ своимъ самуилъ пророкъ Господень устрои царство и помаза князи надъ людьми его: |
46:17 См.: 🔗1Цар. 7:15 | закономъ Господнимъ суди сонму, и посѣти Господь Иакова: |
46:18 См.: 🔗1Цар. 10:9 | вѣрою своею испытанъ бысть пророкъ, и познанъ бысть въ вѣрѣ своей вѣренъ видѣнiемъ. |
46:19 См.: 🔗1Цар. 7:9 | И призва Господа сильна, егда оскорбляху его врази его окрестъ, приношенiемъ агнца ссущаго млеко: |
46:20 См.: 🔗1Цар. 7:10 | и возгремѣ съ небесе Господь и гласомъ велiимъ услышанъ сотвори гласъ свой: |
46:21 | и потреби владыки тирскiя, и вся князи Филистимскiя. |
46:22 См.: 🔗1Цар. 12:3 🔗Деян. 20:33 | И прежде времене успенiя вѣка свидѣтелствова предъ Господемъ и христомъ его: имѣнiя и до сапогъ от всякiя плоти не взяхъ: и не сотвори ему поношенiя [ни единъ] человѣкъ. |
46:23 См.: 🔗1Цар. 28:17 | И по успенiи своемъ пророчествова и показа цареви кончину его: и вознесе от земли гласъ свой, пророчествомъ истребити беззаконiе людій. |