Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 47 | |
47:1 См.: 🔗2Цар. 7:3 🔗1Пар. 17:2 | И по семъ воста наѳанъ пророчествовати во дни давидовы. |
47:2 | Якоже тукъ отлученъ от жертвы мирныя, тако давидъ от сыновъ Израилевыхъ. |
47:3 См.: 🔗1Цар. 17:34 | Со львы играше яко съ козлищи и съ медвѣдми яко со агнцы овчими. |
47:4 См.: 🔗1Цар. 17:49 | Во юности своей не убилъ ли исполина, и отъятъ поношенiе от людій, |
47:5 | егда простре руку съ каменемъ изъ пращи низложити гордыню голiаѳову? |
47:6 | Призва бо Господа вышняго, и вдаде въ десницу его крѣпость низложити человѣка сильна на брани, вознести рогъ людій своихъ. |
47:7 См.: 🔗1Цар. 18:7 | Сице во тмахъ прослави его и восхвали его во благословенiихъ Господнихъ, внегда носити ему вѣнецъ славы. |
47:8 См.: 🔗2Цар. 8:1 | Потреби бо враги окрестъ и уничижи Филистимляны противники: даже доднесь сокруши имъ рогъ. |
47:9 | Во всяцѣмъ дѣлѣ своемъ даде исповѣданiе святому вышнему глаголомъ славы: |
47:10 См.: 🔗2Цар. 23:1 | всѣмъ сердцемъ своимъ восхвали и возлюби сотворшаго и. |
47:11 См.: 🔗1Пар. 25:1 | И постави пѣвцы прямо олтареви, и звукомъ ихъ услаждати пѣнiе. |
47:12 См.: 🔗1Пар. 16:4 | Даде во праздницѣхъ благолѣпiе и украси времена даже до скончанiя, внегда воспѣвати имъ имя святое его и от утра гласити во святилищи. |
47:13 См.: 🔗2Цар. 12:13 | Господь отъя грѣхи его и вознесе во вѣкъ рогъ его, и даде ему завѣтъ царскiй и престолъ славы во Израили. |
47:14 См.: 🔗3Цар. 1:35 | По семъ воста сынъ разумиченъ и сего ради обита въ пространствѣ: |
47:15 См.: 🔗3Цар. 2:12 🔗3Цар. 5:4 | соломонъ воцарися во днехъ мира, яко Богъ препокои окрестъ, да созиждетъ домъ во имя его и да уготовитъ святилище во вѣкъ. |
47:16 См.: 🔗3Цар. 4:29 | Коль преумудрился еси во юности своей и наполнился еси яко рѣка разума. |
47:17 См.: 🔗3Цар. 4:32 | Землю покры душа твоя, и исполнилъ еси притчами гаданiй: |
47:18 См.: 🔗3Цар. 10:1 | пройде имя твое во островы далече, и возлюбленъ былъ еси въ мирѣ твоемъ. |
47:19 | Въ пѣснехъ и паримiахъ и во притчахъ и во сказанiихъ удивишася тебѣ страны. |
47:20 | Именемъ Господа Бога, нарѣченнаго Бога Израилева, |
47:21 См.: 🔗3Цар. 10:27 | собралъ еси яко мѣдь злато и яко олово умножилъ еси сребро. |
47:22 См.: 🔗3Цар. 11:1 | Вдалъ еси бока твоя женамъ и поработился еси тѣломъ твоимъ: |
47:23 См.: 🔗3Цар. 12:16 | далъ еси порокъ славѣ твоей и осквернилъ еси сѣмя твое, нанести гнѣвъ на чада твоя, и умилитися о безумiи твоемъ: еже раздѣлитися на двое царству, и от Ефрема начатися царству непокориву. |
47:24 | Господь же не оставитъ милости своея и не растлитъ от дѣлъ своихъ, ниже истребитъ избраннаго своего изчадiй и сѣмя возлюбившаго его не изметъ. |
47:25 | И Иакову даде останокъ, и давиду от него корень. |
47:26 См.: 🔗3Цар. 11:43 | И почи соломонъ со отцы своими |
47:27 См.: 🔗3Цар. 12:13 | и остави по себѣ от сѣмене своего людемъ безумiе, |
47:28 | и умаляющася разумомъ ровоама, иже отстави люди от совѣта своего, |
47:29 См.: 🔗3Цар. 12:28 | и иеровоама сына наватова, иже сотвори согрѣшити Израилю и даде Ефрему путь ко грѣху. |
47:30 См.: 🔗Втор. 4:26 | И умножишася грѣси ихъ зѣло, отступити имъ от земли своея: |
47:31 | и всяко лукавство изыскаша, дондеже месть прiиде на ня. |