Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 6 | |
6:1 | И вмѣсто друга не буди врагъ, имя бо лукаво студъ и поношенiе наслѣдитъ: сице грѣшникъ двоязыченъ. |
6:2 См.: 🔗Рим. 12:16 | Не возноси себе совѣтомъ души твоея, да не расхищена будетъ аки юнецъ душа твоя: |
6:3 | листвiе твое пояси и плоды твоя погубиши и оставиши себе яко древо сухо. |
6:4 | Душа лукава погубитъ стяжавшаго ю и порадованiе врагомъ сотворитъ его. |
6:5 См.: 🔗1Кор. 13:7 | Гортань сладокъ умножитъ други своя, и языкъ доброглаголивъ умножитъ добры бесѣды. |
6:6 См.: 🔗Рим. 12:18 | Мирствующiи съ тобою да будутъ мнози, совѣтницы же твои единъ от тысящъ. |
6:7 См.: 🔗Мих. 7:5 🔗Мф. 10:36 | Аще стяжеши друга, во искушенiи стяжи его и не скоро увѣрися ему: |
6:8 См.: 🔗Сир. 37:4 | есть бо другъ во время свое и не пребудетъ во время скорби твоея, |
6:9 | и есть другъ премѣняяйся во врага и сваръ поношенiя твоего открыетъ, |
6:10 | и есть другъ общникъ трапезамъ и не пребудетъ во время скорби твоея: |
6:11 | и во благихъ твоихъ будетъ якоже ты и на рабы твоя дерзнетъ: |
6:12 См.: 🔗Прит. 19:4 | аще смиренъ будеши, будетъ на тя и от лица твоего скрыется. |
6:13 | От враговъ твоихъ отлучися и от друговъ твоихъ внимай. |
6:14 См.: 🔗Сир. 25:12 | Другъ вѣренъ кровъ крѣпокъ: обрѣтый же его обрѣте сокровище. |
6:15 | Другу вѣрну нѣсть измѣны, и нѣсть мѣрила добротѣ его. |
6:16 | Другъ вѣренъ врачеванiе житiю, и боящiися Господа обрящутъ его. |
6:17 | Бояйся Господа управляетъ дружбу свою, якоже бо самъ, тако и искреннiй его. |
6:18 См.: 🔗2Тим. 3:15 | Чадо, от юности твоея избери наказанiе, и даже до сѣдинъ обрящеши премудрость. |
6:19 | Якоже оряй и сѣяй приступи къ ней и жди благихъ плодовъ ея: |
6:20 | въ дѣланiи бо ея мало потрудишися и скоро ясти будеши плоды ея. |
6:21 | Коль стропотна есть зѣло ненаказаннымъ, и не пребудетъ въ ней безумный: |
6:22 | якоже камень искушенiя крѣпокъ будетъ на немъ, и не замедлитъ отврещи ея. |
6:23 | Премудрость бо по имени ея есть и не многимъ есть явна. |
6:24 | Слыши, чадо, и прiими волю мою, и не отвержи совѣта моего: |
6:25 | и введи нозѣ твои во оковы ея и въ гривну ея выю твою: |
6:26 | подложи рамо твое и носи ю, и не гнушайся узами ея: |
6:27 | всею душею твоею приступи къ ней и всею силою твоею соблюди пути ея. |
6:28 | Изслѣди и взыщи, и познана ти будетъ, и емься за ню не остави ея: |
6:29 | на послѣдокъ бо обрящеши покой ея, и обратится тебѣ на веселiе. |
6:30 См.: 🔗Мф. 11:29 | И будутъ ти пута ея на покой крѣпости и гривны ея на одѣянiе славы. |
6:31 | Красота бо злата есть на ней, и узы ея извитiе иакинѳово: |
6:32 | во одежду славы облечешися ею, и вѣнецъ радости возложиши на ся. |
6:33 | Аще восхощеши, чадо, наказанъ будеши, и аще вдаси душу твою, хитръ будеши: |
6:34 | аще возлюбиши слушати, прiимеши, и аще приклониши ухо твое, премудръ будеши. |
6:35 См.: 🔗Сир. 8:9 | Во множествѣ старѣйшинъ ставай, и аще кто премудръ, тому прилѣпися. всяку повѣсть Божественную восхощи слышати, и притчи разума да не убѣжатъ тебе. |
6:36 См.: 🔗Лк. 21:38 | Аще узриши разумна, утренюй къ нему, и степени дверiй его да третъ нога твоя. |
6:37 См.: 🔗Втор. 6:9 🔗Втор. 11:19 | Размышляй въ повелѣнiихъ Господнихъ и въ заповѣдехъ его поучайся присно: той утвердитъ сердце твое, и желанiе премудрости дано ти будетъ. |