Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 7 | |
7:1 | Не твори зла, и не постигнетъ тя зло: |
7:2 | отступи от неправды, и уклонится от тебе. |
7:3 См.: 🔗Ос. 10:12 🔗Прит. 22:8 | Сыне, не сѣй на браздахъ неправды и не имаши пожати ихъ седмерицею. |
7:4 См.: 🔗Мф. 20:22 | Не проси у Господа владычества, ниже от царя сѣдалища славы. |
7:5 | Не оправдай себе предъ Богомъ и предъ царемъ не мудрися. |
7:6 | Не ищи, да будеши судiя, егда не возможеши отъяти неправды: да не когда убоишися лица сильнаго и положиши соблазнъ въ правости твоей. |
7:7 | Не согрѣшай во множествѣ града и не низлагай себе въ народѣ. |
7:8 | Не свяжи дважды грѣха, и во единѣмъ бо не неповиненъ будеши. |
7:9 | Не рцы: на множество даровъ моихъ воззритъ, и приносящу ми Богу вышнему, прiиметъ. |
7:10 См.: 🔗1Тим. 2:8 🔗Иак. 1:6 | Не малодушествуй въ молитвѣ твоей и милостыню творити не презри. |
7:11 См.: 🔗1Цар. 2:7 | Не ругайся человѣку сущу въ горести души его: есть бо смиряяй и возносяй. |
7:12 | Не ори лжи на брата твоего, ниже другу тожде твори. |
7:13 | Не восхощи лгати всякiя лжи: учащенiе бо ея не на благо. |
7:14 См.: 🔗Мф. 6:7 | Не буди велерѣчивъ во множествѣ старецъ и не повтори слова въ молитвѣ твоей. |
7:15 См.: 🔗Быт. 3:17 | Не возненавиди труднаго дѣла и земледѣлiя от вышняго создана. |
7:16 | Не привмѣняй себе ко множеству грѣшниковъ. |
7:17 См.: 🔗Иак. 4:10 | 18Помяни, яко гнѣвъ не замедлитъ, |
7:18 См.: 🔗Ис. 66:24 | 17Смири душу твою зѣло. |
7:19 См.: 🔗Мк. 9:44 | понеже месть нечестиваго огнь и червь. |
7:20 См.: 🔗Прит. 27:10 | Не измѣни друга ни на что, ни брата присна на златѣ Софирстѣмъ. |
7:21 | Не отступай от жены премудры и благи, ибо благодать ея паче злата. |
7:22 См.: 🔗Лев. 19:13 🔗Втор. 24:14 | Не озлоби раба дѣлающа во истинѣ, ниже наемника вдающа душу свою. |
7:23 | Раба разумива да любитъ душа твоя, и не лиши его свободы. |
7:24 См.: 🔗Втор. 25:4 | Есть ли ти скотъ, призирай его, и аще ти будетъ потребенъ, да пребудетъ ти. |
7:25 См.: 🔗Сир. 30:12 | Суть ли ти чада, накажи я и преклони от юности выю ихъ. |
7:26 См.: 🔗Сир. 42:9 | Суть ли ти дщери, внимай тѣлу ихъ и не являй веселаго къ нимъ лица твоего. |
7:27 | Выдай дщерь, и будеши совершивый дѣло велико: и мужеви разумиву даждь ю. |
7:28 | Есть ли ти жена по души, не изжени ея. |
7:29 | Всѣмъ сердцемъ твоимъ прославляй отца твоего и матернихъ болѣзней не забуди: |
7:30 | помяни, яко тѣма рожденъ еси, и что има воздаси, якоже она тебѣ? |
7:31 См.: 🔗Втор. 12:19 | Всею душею твоею благоговѣй Господеви и иереи его чти. |
7:32 | Всею силою [твоею] возлюби сотворшаго тя и служителей его не остави. |
7:33 См.: 🔗Лев. 2:3 🔗1Тим. 5:17 | Бойся Господа и прослави иереа, и даждь часть ему, якоже заповѣдано ти: |
7:34 См.: 🔗Мф. 10:10 🔗1Кор. 9:14 | начатки, и о согрѣшенiи, и даянiе мышцей, и жертву святыни, и начатокъ святыхъ. |
7:35 См.: 🔗Пс. 40:2 | И нищему простри руку твою, да совершится благословенiе твое. |
7:36 См.: 🔗Рим. 14:18 🔗Тов. 1:21 | Благодать даянiя предъ всякимъ живымъ [да будетъ], и надъ мертвецемъ не возбрани благодати. |
7:37 См.: 🔗Иак. 1:27 🔗Рим. 12:15 | Не устраняйся от плачущихъ и съ сѣтующими сѣтуй. |
7:38 См.: 🔗Мф. 25:36 | Не лѣнися посѣщати боляща: сими бо возлюбленъ будеши. |
7:39 См.: 🔗Плч. 1:9 | Во всѣхъ словесѣхъ твоихъ поминай послѣдняя твоя, и во вѣки не согрѣшиши. |