Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 См.: 🔗Чис. 5:14 🔗Прит. 6:34 | Не ревнуй женѣ нѣдра твоего, ниже научи на тебе самаго ученiю лукаву. |
9:2 См.: 🔗1Пет. 3:1 | Не даждь женѣ души твоея, еже превзыти ей надъ крѣпость твою. |
9:3 См.: 🔗Прит. 7:5 | Не срѣтай жены блудницы, да не како впадеши въ сѣти ея. |
9:4 См.: 🔗Прит. 5:3 | Къ спѣвающей не примѣшайся, да не како увязнеши въ начинанiихъ ея. |
9:5 См.: 🔗Быт. 6:2 🔗Иов. 31:1 | Дѣвы не назирай, да не когда соблазнишися въ красотѣ ея. |
9:6 См.: 🔗Прит. 5:8 🔗Лк. 5:13 | Не даждь блудницамъ души твоея, да не погубиши наслѣдiя твоего. |
9:7 | Не обзирай стогнъ града и въ пустыхъ его не заблуждай. |
9:8 См.: 🔗Мф. 5:28 | Отврати око твое от жены красныя и не назирай чуждыя доброты: |
9:9 См.: 🔗2Цар. 11:2 🔗3Цар. 11:1 | добротою женскою мнози прельстишася, и от сея похоть яко огнь разгарается. |
9:10 | Съ мужатицею отнюдъ не сѣди и не медли съ нею въ винѣ: |
9:11 | да не когда приклонится душа твоя на ню, и духомъ твоимъ поползнешися въ пагубу. |
9:12 См.: 🔗Прит. 27:10 | Не оставляй друга стараго, новый бо нѣсть точенъ ему: |
9:13 См.: 🔗Лк. 5:39 | вино новое другъ новъ: аще обетшаетъ, съ веселiемъ испiеши его. |
9:14 | Не ревнуй славѣ грѣшника: не вѣси бо, кое будетъ превращенiе его. |
9:15 | Не соизволи изволениемъ нечестивыхъ: помяни, яко даже до ада не оправдятся. |
9:16 | Далече отступи от человѣка, иже имать власть убивати, и не убоишися страха смертна: |
9:17 | и аще приступиши, не согрѣшай, да не отъиметъ живота твоего: |
9:18 | познавай, яко посредѣ сѣтей минуеши и по забраломъ града ходиши. |
9:19 | По крѣпости твоей разсмотряй искренняго и со премудрыми совѣтуй. |
9:20 | Съ разумивыми буди размышленiе твое, и вся повѣсть твоя въ законѣ вышняго. |
9:21 | Мужiе праведнiи да вечеряютъ съ тобою, и во страсѣ Господни буди хвала твоя. |
9:22 | От руки художниковъ дѣло похвалено бываетъ, и вождь людій премудръ въ словеси своемъ. |
9:23 См.: 🔗1Цар. 22:9 🔗Прит. 16:27 | Страшенъ во градѣ своемъ мужъ языченъ, и дерзый въ словеси своемъ возненавидѣнъ будетъ. |