Книга Премудрости Соломона, глава 10 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1 См.: 🔗Быт. 1:26	Сiя первоз­дан­наго отца мiру единаго создан­наго сохрани и изведе его от­ грѣха его,
10:2 См.: 🔗Быт. 1:28	даде же ему крѣпость содержати всяческая.
10:3 См.: 🔗Быт. 4:8	Отступивъ же от­ нея неправедный во гнѣвѣ сво­емъ со брато­убій­с­т­вен­ными погибе яростьми:
10:4 См.: 🔗Быт. 7:1	егоже ради потопляему землю паки спасе премудрость, малымъ древомъ праведника соблюдши.
10:5 См.: 🔗Быт. 14:15 🔗Быт. 22:6	Сiя и во единомыслiи лукав­ст­ва смѣшеныхъ языковъ обрѣте праведника и сохрани его непорочна Богу, и въ поболѣнiи о чадѣ крѣпка соблюде.
10:6 См.: 🔗Быт. 19:16	Сiя праведнаго, погибающымъ нечестивымъ, избави бѣжащаго от­ огня низходяща на пять градовъ:
10:7 См.: 🔗2Пет. 2:6 🔗Иуд. 1:7 🔗Быт. 19:26	ихже еще свидѣтел­ст­во лукав­ст­вiя дымящаяся сто­итъ земля пуста, и несовершен­ными времены плодоносящая древеса, и невѣрныя души память стоящь столпъ сланъ.
10:8	Премудрость бо мимоходящiи не токмо повредишася, еже не вѣдѣти блага, но и безумiя сво­его оставиша житiю память, да въ нихже согрѣшиша, ниже утаитися воз­могутъ.
10:9	Премудрость же служащихъ ей от­ болѣзней избави.
10:10 См.: 🔗Быт. 28:7	Сiя бѣжащаго от­ гнѣва братня праведника настави на стези правы и показа ему цар­ст­вiе Божiе и даде ему разумъ святыхъ, почте его въ трудѣхъ и умножи труды его.
10:11 См.: 🔗Быт. 31:7	Во обидѣ обдержащихъ его предста ему и обогати его,
10:12 См.: 🔗Быт. 32:28 🔗1Тим. 4:8	сохрани его от­ врагъ, и от­ навѣту­ю­щихъ защити его, и подвигъ крѣпокъ на побѣду даде ему, да увѣсть, яко всѣхъ сильнѣе есть благо­честiе.
10:13 См.: 🔗Быт. 37:28	Сiя проданаго праведника не остави, но от­ грѣха избави его: сниде съ нимъ въ ровъ,
10:14 См.: 🔗Быт. 39:21 🔗Быт. 40:14 🔗Пс. 104:20	и во узахъ не остави его, дондеже при­­несе ему скиптръ цар­ст­вiя и власть на мучащихъ его: лживыхъ же показа, порокъ сотворшихъ нань, и даде ему славу вѣчную.
10:15 См.: 🔗Исх. 12:37	Сiя людей преподобныхъ и сѣмя непорочное избави от­ языкъ оскорбляющихъ:
10:16 См.: 🔗Исх. 4:11	вниде въ душу раба Господня и воста противу царей страшныхъ въ чудесѣхъ и знаменiихъ.
10:17 См.: 🔗Исх. 11:2 🔗Исх. 12:35 🔗Исх. 13:21	Воздаде преподобнымъ мзду трудовъ ихъ, настави ихъ въ путь дивенъ и бысть имъ въ покровъ днемъ и въ пламень звѣздъ въ нощи.
10:18 См.: 🔗Исх. 14:22	Преведе ихъ по морю чермному и проведе ихъ сквоз­ѣ воду многу:
10:19	враги же ихъ потопи и изъ глубины бездны изрину ихъ.
10:20 См.: 🔗Исх. 12:35 🔗Исх. 15:1	Сего ради праведнiи взяша корысти нечестивыхъ и воспѣша, Господи, имя святое твое, и одолѣтелницу руку твою похвалиша единодушнѣ:
10:21 См.: 🔗Исх. 4:11	яко премудрость от­верзе уста нѣмыхъ и языки младенцемъ сотвори ясны.