Книга Премудрости Соломона, глава 11 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1	Управи дѣла ихъ рукою пророка святаго:
11:2 См.: 🔗Исх. 15:22	про­идоша пустыню необитан­ную и въ непроходимыхъ водрузиша кущы,
11:3 См.: 🔗Исх. 17:10	сопротивишася супостатомъ и от­мстиша врагомъ:
11:4 См.: 🔗Исх. 17:6 🔗Пс. 77:16 🔗Пс. 104:41 🔗Ис. 48:21 🔗1Кор. 10:4	воз­жадаша и при­­зваша тебе, и дана бысть имъ вода от­ камене несѣкомаго и изцѣленiе жажды от­ камене жестока.
11:5	Имиже бо наказани быша врази ихъ,
11:6	сими сіи во оскудѣнiи суще благодѣтел­ст­вовани быша:
11:7 См.: 🔗Исх. 7:20	за источникъ убо при­­снотекущiя рѣки, кровiю излiян­ною смятен­ныя,
11:8 См.: 🔗Исх. 1:15 🔗Исх. 17:6	во обличенiе младенце­убій­с­т­вен­наго повелѣнiя, далъ еси имъ изобилну воду безнадежно,
11:9	показавъ тогда жаждею, како противныхъ умучилъ еси.
11:10 См.: 🔗Втор. 8:2 🔗1Кор. 11:32	Егда бо искушени быша и въ милости наказани, познаша, како во гнѣвѣ судимiи нечестивiи мучишася:
11:11	сихъ бо яко Отецъ учащь искусилъ еси, онѣхъ же яко жестокъ Царь осуждая истязалъ еси.
11:12	Отстоящiи же и при­­сут­ст­ву­ю­щiи такожде мучишася:
11:13	сугуба бо ихъ прiятъ печаль и стенанiе съ памятiю минув­шихъ.
11:14	Егда бо слышаху сво­ими мученiи благодѣй­ст­вуемыхъ оныхъ, познаваху Господа:
11:15 См.: 🔗Исх. 5:2	егоже бо древле во от­ложенiи от­вержена от­рекошася смѣющеся, при­­ концы событiя удивишася, неподобною праведнымъ томими жаждею.
11:16 См.: 🔗Лев. 26:14	За помышленiя же безумная неправды ихъ, въ нихже заблудив­ше почитаху безсловесная пресмыкающаяся и звѣрей худыхъ, послалъ еси имъ множе­с­т­во безсловесныхъ животныхъ во от­мщенiе,
11:17 См.: 🔗Прем. 12:27 🔗Рим. 1:27	да познаютъ, яко имиже кто согрѣшаетъ, сими и мучит­ся.
11:18 См.: 🔗Лев. 26:22 🔗Иер. 8:17	Не неможа­ше бо всесильная рука твоя, яже сотвори мiръ от­ безобразнаго веще­ст­ва, послати на нихъ множе­с­т­во медвѣдей, или лютыхъ львовъ,
11:19 См.: 🔗Чис. 21:6 🔗Прем. 12:9	или новосоздан­ныхъ ярости исполненыхъ звѣрей незнаемыхъ, или огнен­нымъ дышущихъ духомъ, или злосмрадный про­износящихъ дымъ, или страшныя изъ очей искры испускающихъ:
11:20	ихже не токмо вредъ можа­ше истребити я, но и зракъ устрашающь погубити.
11:21 См.: 🔗Пс. 34:5 🔗Ис. 41:16 🔗Ос. 4:19	И безъ тѣхъ, единымъ духомъ пасти могоша, от­ суда гоними и развѣяни от­ Духа силы тво­ея: но вся мѣрою и числомъ и вѣсомъ расположилъ еси.
11:22 См.: 🔗Рим. 9:19	Еже бо много мощи, при­­сут­ст­вуетъ тебѣ всегда, и державѣ мышцы тво­ея кто сопротивит­ся?
11:23	Понеже, якоже стражикъ въ превѣсѣхъ, [тако] весь мiръ предъ тобою, и яко капля росы утрен­нiя, сходящiя на землю.
11:24 См.: 🔗Мих. 7:18 🔗Рим. 2:4	Милуеши же всѣхъ, яко вся можеши, и презираеши грѣхи человѣкомъ въ покаянiе.
11:25 См.: 🔗Прем. 12:13	Любиши же сущая вся, и ни чесогоже гнушаешися, яже сотворилъ еси: ниже бо ненавидя что устроилъ еси.
11:26	Како же пребыло бы что, аще бы ты не изволилъ еси? или, еже не нарѣчено от­ тебе, сохранилося бы?
11:27 См.: 🔗Прем. 12:16 🔗Иез. 18:23	Щадиши же вся, яко твоя суть, Владыко Душелюбче!