Книга Премудрости Соломона, глава 12 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1 См.: 🔗Прем. 1:7 🔗Пс. 138:7	Нетлѣн­ный бо Духъ твой есть во всѣхъ.
12:2 См.: 🔗Иер. 10:24	Тѣмже заблуждающихъ помалу обличаеши, и въ нихже согрѣшаютъ, воспоминая учиши, да премѣнив­шеся от­ злобы вѣруютъ въ тя, Господи.
12:3 См.: 🔗Втор. 9:5	И древнихъ бо обитателей земли святыя тво­ея воз­ненавидѣвъ,
12:4 См.: 🔗Лев. 18:3	ради дѣянiй злыхъ волшвенiй, яже творяху, и жертвъ непреподобныхъ,
12:5 См.: 🔗Втор. 12:31 🔗Втор. 18:10 🔗Иер. 19:5	и чадо­убійцъ немилостивыхъ, и утробоядцевъ человѣческихъ плотей, и кровопійцевъ от­ среды святыни тво­ея,
12:6	и родителей убив­шихъ душы безпомощныя, восхотѣлъ еси погубити руками отецъ нашихъ:
12:7	да достойное прiиметъ преселенiе отроковъ Божiихъ, яже у тебе всѣхъ дражайшая земля.
12:8 См.: 🔗Исх. 23:27 🔗Втор. 7:20	Но и сихъ яко человѣковъ пощадилъ еси, послалъ же еси предтекущыя воин­ства тво­его осы, яко да тѣхъ помалу истребятъ.
12:9	Не несиленъ еси во брани покорити нечестивыхъ праведнымъ, или звѣремъ свирѣпымъ, или словомъ жестокимъ до единаго потребити:
12:10 См.: 🔗Рим. 2:4 🔗Отк. 2:21 🔗Иер. 13:23	судящь же помалу давалъ еси мѣсто покаянiю, не невѣдяй, яко лукавъ родъ ихъ и есте­с­т­вен­ная злоба ихъ, и яко не премѣнит­ся помышленiе ихъ во вѣкъ.
12:11 См.: 🔗Быт. 9:25	Сѣмя бо бѣ проклято от­ начала: ниже бояйся кого, от­пущенiе даялъ еси грѣхомъ ихъ.
12:12 См.: 🔗Рим. 9:20	Кто бо речетъ [тебѣ]: что сотворилъ еси? Или кто станетъ противу суду тво­ему? кто же истяжетъ тя о языцѣхъ погибшихъ, ихже ты сотворилъ еси? или кто въ предстател­ст­во тебѣ прiидетъ, от­мститель на неправедныя человѣки?
12:13 См.: 🔗1Пет. 5:7	Нѣсть бо инъ Богъ развѣ тебе, иже радиши о всѣхъ, да покажеши, яко не неправо судилъ еси.
12:14	Ниже царь, или мучитель противу тебе воз­зрѣти можетъ, о ихже погубилъ еси.
12:15	Праведнъ же сый, праведно вся управляеши, недолжнаго же мучитися осудити чуждо мниши тво­ея силы.
12:16 См.: 🔗Пс. 144:9 🔗Рим. 11:32	Крѣпость бо твоя правды начало и еже надъ всѣми твое Владыче­с­т­во, всѣхъ щадѣти творитъ.
12:17	Крѣпость бо показуеши невѣру­ю­щымъ о совершен­ствѣ силы, а въ вѣдущихъ дерзость обличаеши.
12:18 См.: 🔗Пс. 102:10 🔗Сир. 18:9	Ты же Владыче­ст­вуяй силою въ кротости судиши и съ великимъ щадѣнiемъ разсмотряеши насъ: съ тобою бо есть, егда хощеши, еже мощи.
12:19	Научилъ же еси люди твоя сицевыми дѣлы, яко подобаетъ праведному быти человѣколюбцу, и благонадежны сотворилъ еси Сыны твоя, яко даеши о грѣсѣхъ покаянiе.
12:20 См.: 🔗Исх. 8:31 🔗Рим. 2:4	Аще бо враги отроковъ тво­ихъ и должныхъ смерти съ толикимъ мучилъ еси внятiемъ и щадѣнiемъ, даяй времена и мѣсто, имиже бы измѣнилися от­ злобы:
12:21 См.: 🔗Рим. 11:24	съ коликимъ при­­лѣжанiемъ судилъ еси Сыны твоя, ихже отцемъ клятвы и завѣты далъ еси благихъ обѣщанiй.
12:22 См.: 🔗1Кор. 11:32	Насъ убо наказуя, враги нашя тмами бiеши, да благостыню твою помышляемъ судяще, судими же чаемъ милости.
12:23	Отонудуже и неправедныхъ, во безумiи пожив­шихъ животъ, свой­с­т­вен­ными ихъ мерзостьми мучилъ еси,
12:24 См.: 🔗Рим. 1:23	ибо въ путехъ заблужденiя должае заблудиша, боги мняще, яже и во животныхъ вражiихъ безчестна, аки младенцы безумнiи прельстив­шеся.
12:25	Сего ради яко отрокомъ несмыслен­нымъ судъ въ поруганiе послалъ еси:
12:26	иже поруганьми прещенiя не наказав­шеся, достойна суда Божiя искусятъ.
12:27 См.: 🔗Прем. 11:17	Въ нихже бо тіи страждуще негодоваху, въ сихъ, ихже мняху быти боги, въ тѣхъ мучими, видяще егоже прежде от­метахуся знати, 28Бога истин­наго познаша:–
12:28 См.: 🔗Исх. 8:19	–тѣмже и конецъ осужденiя прiиде на ня.