Книга Премудрости Соломона, глава 2 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Иов. 7:1 🔗Пс. 89:10 🔗1Кор. 15:32	Рекоша бо въ себѣ помышляющiи неправо: малъ есть и печаленъ животъ нашъ, и нѣсть изцѣленiя въ кончинѣ человѣчестѣ, и нѣсть познанъ воз­вративыйся от­ ада.
2:2 См.: 🔗Еккл. 3:21 🔗Иак. 4:14	Яко самослучайно рождени есмы, и по семъ будемъ якоже не быв­ше: понеже дымъ дыханiе въ ноздрехъ нашихъ, и слово искра въ движенiи сердца на­шего:
2:3 См.: 🔗Еккл. 3:20	ейже угасшей пепелъ будетъ тѣло, и духъ нашъ разлiет­ся яко мягкiй воз­духъ,
2:4 См.: 🔗Еккл. 2:16 🔗Иак. 4:14	и имя на­ше забвено будетъ во время, и никтоже воспомянетъ дѣлъ нашихъ: и прейдетъ животъ нашъ яко слѣды облака, и яко мгла разрушит­ся, разгнаная от­ лучь солнечныхъ и теплотою его отягчив­шися.
2:5 См.: 🔗1Пар. 29:15	Стѣни бо преходъ житiе на­ше, и нѣсть воз­вращенiя кончины на­шея: яко запечатана есть, и никто воз­вращает­ся.
2:6 См.: 🔗Ис. 56:12 🔗1Кор. 15:32	Прiидите убо и насладимся настоящихъ благихъ, и употребимъ созданiя, яко въ юности скоро:
2:7 См.: 🔗1Кор. 7:31	вина дражайшаго и мира [благовон­на] исполнимся, и да не прейдетъ насъ цвѣтъ житiя:
2:8	увѣнчаимъ насъ шипковыми цвѣты, прежде неже увянутъ:
2:9	ни единъ от­ насъ лишенъ да будетъ на­шего наслажденiя, вездѣ оставимъ знаменiе веселiя, яко сiя часть наша и жребiй сей.
2:10 См.: 🔗Иак. 2:6	Насилiе сотворимъ убогу праведному, не пощадимъ вдовицы, ниже старца устыдимся сѣдинъ многолѣтныхъ.
2:11	Да будетъ же намъ крѣпость законъ правды: некрѣпкое бо неполезно обрѣтает­ся.
2:12 См.: 🔗Лк. 11:54 🔗Мф. 11:20	Уловимъ же [лестiю] праведнаго, яко непотребенъ намъ есть и противит­ся дѣломъ нашымъ, и поноситъ намъ грѣхи закона и злославитъ намъ грѣхи ученiя на­шего:
2:13 См.: 🔗Мф. 27:43	воз­вѣщаетъ намъ разумъ имѣти Божiй, и отрока Господня себе именуетъ:
2:14 См.: 🔗Ин. 7:7	бысть намъ на обличенiе помышленiй нашихъ:
2:15 См.: 🔗Ис. 55:8	тяжекъ есть намъ и къ видѣнiю, яко неподобно [есть] инымъ житiе его, и от­мѣн­ны [суть] стези его:
2:16 См.: 🔗1Ин. 3:1	въ поруганiе вмѣнихомся ему, и удаляетеся от­ путій нашихъ яко от­ нечистотъ: блажитъ послѣдняя праведныхъ и славит­ся Отца имѣти [себѣ] Бога.
2:17 См.: 🔗Мф. 27:49	Увидимъ, аще словеса его истин­на, и искусимъ яже сбудут­ся ему.
2:18 См.: 🔗Пс. 21:9 🔗Мф. 27:43	Аще бо есть истин­ный сынъ Божiй, защититъ его и избавитъ его от­ руки противящихся.
2:19 См.: 🔗Лк. 18:32 🔗2Пет. 2:8	Досажденiемъ и мукою истяжимъ его, да увѣмы кротость его и искусимъ беззлоб­ст­во его:
2:20 См.: 🔗Иер. 11:19 🔗Мф. 27:22	смертiю поносною осудимъ его, будетъ бо ему разсмотренiе от­ словесъ его.
2:21 См.: 🔗Ис. 33:11	Сiя помыслиша и прельстишася: ослѣпи бо ихъ злоба ихъ,
2:22 См.: 🔗Мф. 11:25 🔗Рим. 11:33 🔗1Кор. 2:8	и не увѣдѣша таинъ Божiихъ, ниже мзды уповаша преподобiя, ниже при­­судиша чести душамъ непорочнымъ.
2:23 См.: 🔗Быт. 1:27 🔗Сир. 17:1	Яко Богъ созда человѣка въ неистлѣнiе и во образъ подобiя сво­его сотвори его:
2:24 См.: 🔗Быт. 3:1	завистiю же дiаволею смерть вниде въ мiръ: вкушаютъ же ю, иже от­ ея части суть.