Книга Премудрости Соломона, глава 4 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗Сир. 16:4 🔗Пс. 111:6	Лучше безчад­ст­во со добродѣтелiю: безсмертiе бо есть въ памяти ея, яко и предъ Богомъ познает­ся и предъ человѣки:
4:2 См.: 🔗Ис. 28:5	при­­сущую бо подражаютъ ю и желаютъ от­шедшiя, и въ вѣцѣ вѣнценосно чтит­ся нескверныхъ подвиговъ брань одолѣв­ши.
4:3 См.: 🔗Сир. 23:34	Многоплодно же нечестивыхъ множе­с­т­во неключимо будетъ, и прелюбо­дѣйная насажденiя не дадутъ коренiя въ глубину, ниже крѣпко стоянiе сотворятъ:
4:4 См.: 🔗Пс. 36:35 🔗Мф. 7:26	аще бо и вѣтви на время процвѣтутъ, не крѣпко воз­шедше от­ вѣтра поколеблют­ся и от­ зѣлныхъ вѣтровъ искоренят­ся:
4:5	сокрушат­ся вѣтви несовершен­ны, и плодъ ихъ неключимь, оскоменъ въ снѣдь, и ни во что потребенъ.
4:6	От беззакон­ныхъ бо сновъ чада раждаемая свидѣтелiе суть лукав­ст­вiя на родители во испытанiи ихъ.
4:7 См.: 🔗Ис. 57:2 🔗Лк. 2:29 🔗Отк. 14:13	Праведникъ же аще постигнетъ скончатися, въ покои будетъ:
4:8	старость бо честна не многолѣтна, ниже въ числѣ лѣтъ изчитает­ся:
4:9 См.: 🔗Прит. 16:31	сѣдина же есть мудрость человѣкомъ, и возрастъ старости житiе нескверно.
4:10 См.: 🔗Быт. 5:24 🔗Сир. 44:15 🔗Евр. 11:5	Благо­угоденъ богови бывъ, воз­любленъ бысть, и живый посредѣ грѣшныхъ преставленъ бысть:
4:11 См.: 🔗3Цар. 14:13	восхищенъ бысть, да не злоба измѣнитъ разумъ его, или лесть прельститъ душу его.
4:12 См.: 🔗Мф. 18:7 🔗1Кор. 15:33	Раченiе бо злобы помрачаетъ добрая, и паренiе похоти премѣняетъ умъ незлобивъ.
4:13	Скончався вмалѣ исполни лѣта долга:
4:14 См.: 🔗Ис. 57:1	угодна бо бѣ Господеви душа его, сего ради потщася от­ среды лукав­ст­вiя:
4:15 См.: 🔗1Пет. 5:7	людiе же видѣв­ше и не разумѣв­ше, ниже положше въ помышленiи таковое, яко благодать и милость въ преподобныхъ его и посѣщенiе во избран­ныхъ его.
4:16	Осудитъ же праведникъ умираяй живыхъ нечестивыхъ, и юность скончав­шаяся скоро долголѣтную старость неправеднаго.
4:17	Узрятъ бо кончину премудраго и не уразумѣютъ, что усовѣтова о немъ и во что утверди его Господь:
4:18 См.: 🔗Пс. 2:4 🔗Пс. 81:5	узрятъ и уничижатъ его, Господь же посмѣет­ся имъ:
4:19 См.: 🔗Ис. 66:24	и будутъ посемъ въ паденiе безчестно и во укоризну въ мертвыхъ въ вѣкъ: яко расторгнетъ ихъ безгласны ницъ и поколеблетъ ихъ от­ основанiй, и даже до послѣднихъ опустѣютъ и будутъ въ болѣзни, и память ихъ погибнетъ:
4:20 См.: 🔗Рим. 2:16	прiидутъ въ помышленiе грѣховъ сво­ихъ боязливiи, и обличатъ ихъ противу беззаконiя ихъ.