Книга Премудрости Соломона, глава 9 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗Ин. 1:3	Боже отцевъ и Господи милости тво­ея, сотворивый вся словомъ тво­имъ
9:2 См.: 🔗Быт. 1:26	и премудростiю тво­ею устроивый человѣка, да владѣетъ сотворен­ными от­ тебе тварьми,
9:3	и да управляетъ мiръ въ преподобiи и правдѣ, и въ правотѣ души судъ да судитъ:
9:4 См.: 🔗3Цар. 3:9 🔗2Пар. 1:10	даждь мнѣ тво­имъ престоломъ при­­сѣдящую премудрость и не от­рини мене от­ отрокъ тво­ихъ:
9:5 См.: 🔗Пс. 115:7	яко азъ рабъ твой и сынъ рабыни тво­ея, человѣкъ немощенъ и маловремененъ и умаленъ въ разумѣ суда и законовъ.
9:6	Аще бо кто будетъ и совершенъ въ сынѣхъ человѣческихъ, от­сут­ст­ву­ю­щей тво­ей премудрости, ни во чтоже вмѣнит­ся.
9:7 См.: 🔗3Цар. 3:6 🔗1Пар. 28:5 🔗2Пар. 1:9	Ты избралъ мя еси царя людемъ тво­имъ и судiю сыномъ тво­имъ и дщеремъ,
9:8 См.: 🔗2Цар. 7:13 🔗3Цар. 8:19 🔗Исх. 25:8	и реклъ ми еси создати храмъ въ горѣ святѣй тво­ей и во градѣ обитанiя тво­его олтарь, подобiемъ скинiи [тво­ея] святыя, юже предуготовалъ еси от­ начала.
9:9 См.: 🔗Прит. 8:22 🔗Ин. 1:3	И съ тобою премудрость вѣдущая дѣла твоя и при­­сут­ст­ву­ю­щая тогда, егда мiръ творилъ еси, и вѣдущая, что есть угодно предъ очима тво­има и что право въ заповѣдехъ тво­ихъ:
9:10	посли ю съ небесъ святыхъ и от­ престола славы тво­ея посли ю: да сущи со мною трудит­ся, и увѣмъ, что благо­угодно есть предъ тобою:
9:11 См.: 🔗Ин. 16:13	вѣсть бо она вся и разумѣетъ, и наставитъ мя въ дѣлѣхъ мо­ихъ цѣломудрен­нѣ и сохранитъ мя во славѣ сво­ей:
9:12	и будутъ прiятна дѣла моя, и разсужду люди твоя праведнѣ, и буду достоинъ престоловъ отца мо­его.
9:13 См.: 🔗Ис. 40:13 🔗Рим. 11:34 🔗1Кор. 2:16	Кто бо от­ человѣкъ познаетъ совѣтъ Божiй? или кто помыслитъ, что хощетъ Богъ?
9:14	Помышленiя бо смертныхъ боязлива, и погрѣшителна умышленiя наша:
9:15 См.: 🔗Рим. 7:24 🔗1Кор. 15:53 🔗2Кор. 5:4	тѣло бо тлѣн­ное отягощаетъ душу, и земное жилище обременяетъ умъ многопопечителенъ.
9:16 См.: 🔗Ин. 3:12	И едва разумѣваемъ, яже на земли, и яже въ рукахъ обрѣтаемъ со трудомъ: а яже на небесѣхъ, кто изслѣди?
9:17 См.: 🔗Иов. 15:8	Волю же твою кто позна, аще бы не ты далъ еси премудрость и послалъ еси Духа святаго тво­его от­ высоты?
9:18	И тако исправишася стези сущихъ на земли, и яже тебѣ угодна, научишася человѣцы
9:19	и премудростiю спасошася.