Книга Товита, глава 2 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	Егда же прiидохъ въ домъ мой, и от­дана бысть мнѣ ан­на жена моя и товіа сынъ мой, въ праздникъ пятьдесятницы, иже есть святъ седмь седмицъ, бысть обѣдъ добръ мнѣ, и воз­легохъ, еже ясти.
2:2	И узрѣхъ снѣди многи и рѣхъ сыну мо­ему: иди и при­­веди, егоже аще обрящеши от­ братiи на­шея нищаго, иже помнитъ Господа, и се, ожидаю тебе.
2:3	И при­­шедъ рече: отче, единъ от­ рода на­шего удавленъ поверженъ есть на торжищи.
2:4	И азъ, прежде неже вкусити ми, взяхъ его въ нѣкiй домъ, донелѣже зайде солнце:
2:5	и воз­вратився умыхся и ядохъ хлѣбъ мой въ скорби,
2:6 См.: 🔗Ам. 8:10 🔗1Мак. 1:39	и помянухъ пророче­с­т­во Амоса, якоже рече: обратят­ся дніе ваши въ плачь, и вся веселiя ваша въ сѣтованiе:
2:7 См.: 🔗Тов. 12:12	и плакахся: и егда зайде солнце, по­идохъ и ископавъ погребохъ его.
2:8 См.: 🔗Тов. 1:18	Ближнiи же посмѣвахуся, глаголюще: еще не бо­ит­ся убiенъ быти за дѣло сiе: и бѣжа, и се, паки погребаетъ мертвыя.
2:9 См.: 🔗Чис. 19:16	И въ ту нощь, егда погребохъ, воз­вратихся и легохъ оскверненъ при­­ стѣнѣ двора, и лице мое от­кровено бѣ:
2:10	не видѣхъ же, яко врабiя на стѣнѣ суть, и очесемъ мо­имъ от­верстымъ сущымъ, испустиша врабiя теплое на очеса моя, и быша бѣльма на очесѣхъ мо­ихъ: и идохъ ко врачемъ и не пользоваша мя: Ахiахаръ же пита­ше мя, дондеже от­идохъ во Елимаиду.
2:11	А жена моя ан­на волну прядяше въ домѣхъ женскихъ
2:12	и посыла­ше господиемъ: даяху же ей и они мзду, при­­дав­ше и козля.
2:13 См.: 🔗Втор. 22:1	Егда же прiиде ко мнѣ, нача вопити: и рѣхъ ей: от­куду козля? не украдено ли есть? от­даждь е господиемъ: не бо лѣпо есть ясти краденое.
2:14 См.: 🔗Иов. 2:9	Она же рече: даръ дадеся ми надъ мзду. И не вѣровахъ ей и глаголахъ от­дати е господиемъ, и стыдяхся предъ нею. Она же от­вѣщав­ши рече ми: гдѣ суть милостыни твоя и правды твоя? се, вѣдома вся съ тобою.