Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 | Се, дние Господни грядут, и разделятся корысти твоя в тебе: |
14:2 См.: 🔗Зах. 12:3 🔗Ис. 13:16 | и соберу вся языки на Иерусалим в брань, и пленится град, и расхитятся домове, и жены осквернятся: и изыдет пол града в пленение, а останок людий Моих не потребятся от града. |
14:3 | И изыдет Господь и ополчится на языки оны, якоже день ополчения его в день брани. |
14:4 См.: 🔗Деян. 1:12 | И станут нозе Его в день он на горе Елеонстей, яже есть прямо Иерусалиму на восток: и разделится гора Елеонская, пол ея к востоком и пол ея к морю, пропасть велия зело: и уклонится пол горы на север и пол ея на юг: |
14:5 См.: 🔗2Пар. 26:1 🔗Ам. 1:1 | и засыплется дебрь гор Моих, и прильпнет дебрь горняя даже до Асаила и наполнится, якоже наполнися от лица труса во днех Озии царя Иудова: и приидет Господь Бог мой, и вси святии с Ним. |
14:6 См.: 🔗Мф. 24:29 | И будет в день он, не будет свет, но зима и мраз: |
14:7 | и будет день един, и день той знаемь будет Господеви, и не день и не нощь, и при вечере будет свет. |
14:8 | И в день он изыдет вода жива из Иерусалима, пол ея в море первое и пол ея в море последнее: и в жатву и в весну будет тако. |
14:9 | И будет Господь в Царя по всей земли: в день он будет Господь един, и имя Его едино, |
14:10 | обходя всю землю и пустыню, от Гаваи и до Реммона, на юг Иерусалиму: и вознесется на месте и пребудет от врат Вениаминих до места врат первых, даже до врат уголных и до столпа Анамеиля и до подточилия царева. |
14:11 | И вселятся в нем, и анафема не будет ктому, и вселится Иерусалим надеяйся. |
14:12 См.: 🔗Ис. 66:24 | И сие будет падение, имже изсечет Господь вся люди, елицы воеваша на Иерусалим: истают плоти их стоящих на ногах своих, и очеса им истекут из обочий их, и язык их истает во устех их. |
14:13 См.: 🔗Ис. 3:6 | И будет в день он ужас Господень велий на них: и имутся кийждо за руку ближняго своего, и соплетется рука его к руце ближняго своего. |
14:14 | И Иуда ополчится во Иерусалиме и соберет крепость всех людий окрест, злато и сребро и ризы во множество зело. |
14:15 См.: 🔗Зах. 14:12 | И сие будет падение конем и мском, и велблюдом и ослом, и всем скотом сущым в полцех онех, по падению сему. |
14:16 | И будет, елицы аще останутся от всех язык пришедших на Иерусалим, и взыдут на всякое лето покланятися Царю Господу Вседержителю и праздновати праздник скинопигии. |
14:17 | И будет, елицы аще не взыдут от всех племен земли во Иерусалим поклонитися Царю Господу Вседержителю, и сии онем приложатся, не будет на них дождя. |
14:18 См.: 🔗Ис. 5:6 | Аще же колено Египетское не взыдет, ни приидет, и на сих будет язва, еюже поразит Господь вся языки, елицы аще не взыдут, еже праздновати праздник скинопигии. |
14:19 | Сей будет грех Египту и грех всем языком, елицы аще не взыдут, еже праздновати праздник скинопигии. |
14:20 См.: 🔗3Цар. 7:38 | В день он будет еже во узде коня, свято Господу Вседержителю: и будут коноби в дому Господни яко чашы пред лицем олтаря, |
14:21 | и будет всяк коноб во Иерусалиме и во Иуде свят Господеви Вседержителю: и приидут вси жрущии и приимут от них и сварят в них, и не будет Хананей ктому во храме Господа Вседержителя в день он. |