Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 | Се, дніе Господни грядутъ, и раздѣлятся корысти твоя въ тебѣ: |
14:2 См.: 🔗Зах. 12:3 🔗Ис. 13:16 | и соберу вся языки на Иерусалимъ въ брань, и плѣнится градъ, и расхитятся домове, и жены осквернятся: и изыдетъ полъ града въ плѣненiе, а останокъ людій моихъ не потребятся от града. |
14:3 | И изыдетъ Господь и ополчится на языки оны, якоже день ополченiя его въ день брани. |
14:4 См.: 🔗Деян. 1:12 | И станутъ нозѣ его въ день онъ на горѣ Елеонстѣй, яже есть прямо Иерусалиму на востокъ: и раздѣлится гора Елеонская, полъ ея къ востокомъ и полъ ея къ морю, пропасть велiя зѣло: и уклонится полъ горы на сѣверъ и полъ ея на югъ: |
14:5 См.: 🔗2Пар. 26:1 🔗Ам. 1:1 | и засыплется дебрь горъ моихъ, и прильпнетъ дебрь горняя даже до Асаила и наполнится, якоже наполнися от лица труса во днехъ Озіи царя Иудова: и прiидетъ Господь Богъ мой, и вси святіи съ нимъ. |
14:6 См.: 🔗Мф. 24:29 | И будетъ въ день онъ, не будетъ свѣтъ, но зима и мразъ: |
14:7 | и будетъ день единъ, и день той знаемь будетъ Господеви, и не день и не нощь, и при вечерѣ будетъ свѣтъ. |
14:8 | И въ день онъ изыдетъ вода жива изъ Иерусалима, полъ ея въ море первое и полъ ея въ море послѣднее: и въ жатву и въ весну будетъ тако. |
14:9 | И будетъ Господь въ Царя по всей земли: въ день онъ будетъ Господь единъ, и имя его едино, |
14:10 | обходя всю землю и пустыню, от гаваи и до реммона, на югъ Иерусалиму: и вознесется на мѣстѣ и пребудетъ от вратъ Венiаминихъ до мѣста вратъ первыхъ, даже до вратъ уголныхъ и до столпа Анамеиля и до подточилiя царева. |
14:11 | И вселятся въ немъ, и анаѳема не будетъ к тому, и вселится Иерусалимъ надѣяйся. |
14:12 См.: 🔗Ис. 66:24 | И сiе будетъ паденiе, имже изсѣчетъ Господь вся люди, елицы воеваша на Иерусалимъ: истаютъ плоти ихъ стоящихъ на ногахъ своихъ, и очеса имъ истекутъ изъ обочiй ихъ, и языкъ ихъ истаетъ во устѣхъ ихъ. |
14:13 См.: 🔗Ис. 3:6 | И будетъ въ день онъ ужасъ Господень велiй на нихъ: и имутся кійждо за руку ближняго своего, и соплетется рука его къ руцѣ ближняго своего. |
14:14 | И Иуда ополчится во Иерусалимѣ и соберетъ крѣпость всѣхъ людій окрестъ, злато и сребро и ризы во множество зѣло. |
14:15 См.: 🔗Зах. 14:12 | И сiе будетъ паденiе конемъ и мскомъ, и велблюдомъ и осломъ, и всѣмъ скотомъ сущымъ въ полцѣхъ онѣхъ, по паденiю сему. |
14:16 | И будетъ, елицы аще останутся от всѣхъ языкъ пришедшихъ на Иерусалимъ, и взыдутъ на всякое лѣто покланятися Царю Господу Вседержителю и праздновати праздникъ скинопигіи. |
14:17 | И будетъ, елицы аще не взыдутъ от всѣхъ племенъ земли во Иерусалимъ поклонитися Царю Господу Вседержителю, и сіи онѣмъ приложатся, не будетъ на нихъ дождя. |
14:18 См.: 🔗Ис. 5:6 | Аще же колѣно Египетское не взыдетъ, ни прiидетъ, и на сихъ будетъ язва, еюже поразитъ Господь вся языки, елицы аще не взыдутъ, еже праздновати праздникъ скинопигіи. |
14:19 | Сей будетъ грѣхъ Египту и грѣхъ всѣмъ языкомъ, елицы аще не взыдутъ, еже праздновати праздникъ скинопигіи. |
14:20 См.: 🔗3Цар. 7:38 | Въ день онъ будетъ еже во уздѣ коня, свято Господу Вседержителю: и будутъ коноби въ дому Господни яко чашы предъ лицемъ олтаря, |
14:21 | и будетъ всякъ конобъ во Иерусалимѣ и во Иудѣ святъ Господеви Вседержителю: и прiидутъ вси жрущiи и прiимутъ от нихъ и сварятъ въ нихъ, и не будетъ Хананей ктому во храмѣ Господа Вседержителя въ день онъ. |