Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 См.: 🔗Ис. 7:8 🔗Иер. 32:19 | Пророчество словесе Господня въ земли седраха и Дамаска жертвы его: зане Господь призираетъ на человѣки и на вся колѣна Израилева, |
9:2 См.: 🔗Ам. 6:2 🔗Иез. 28:12 | и во имаѳѣ въ предѣлѣхъ его тиръ и Сидонъ, яко умудрѣша зѣло. |
9:3 | И созда тиръ твердыни себѣ и собра сребро яко персть и злато яко бренiе путій. |
9:4 См.: 🔗Ис. 23:1 | Сего ради Господь наслѣдитъ я и поразитъ въ море силу его, и той огнемъ поястся. |
9:5 | Увидитъ Аскалонъ и убоится, и Газа и поболитъ зѣло, и аккаронъ, яко постыдѣся о упованiи своемъ: и погибнетъ царь от Газы, и Аскалонъ не имать населитися. |
9:6 | И вселятся иноплеменницы во азотѣ, и разрушу досажденiе иноплеменниковъ, |
9:7 | и изму кровь ихъ изъ устъ ихъ и мерзости ихъ изъ средины зубовъ ихъ, и оставятся и сіи Богу нашему и будутъ яко тысящникъ во Иудѣ, и аккаронъ якоже Иевусей. |
9:8 | И подставлю храму моему воздвиженiе, еже не сквозѣ ходити, ниже возвращатися, и ктому не имать прiити на ня изгоняяй: яко нынѣ видѣхъ очима моима. |
9:9 | Радуйся зѣло, дщи Сiоня, проповѣдуй, дщи Иерусалимля: се, Царь твой грядетъ тебѣ праведенъ и спасаяй, той кротокъ и всѣдъ на подъяремника и жребца юна. |
9:10 См.: 🔗Пс. 71:8 | И потребитъ колесницы от Ефрема и кони от Иерусалима, и потребитъ лукъ бранный, и множество, и миръ от языковъ: и обладаетъ водами от моря до моря и от рѣкъ до исходищъ земли. |
9:11 См.: 🔗Иер. 31:33 🔗Евр. 2:14 | И ты въ крови завѣта твоего испустилъ еси узники твоя от рова не имуща воды. |
9:12 | Сядите въ твердѣлехъ, связани сонмища, и за единъ день пришелствiя твоего сугубо воздамъ ти. |
9:13 См.: 🔗Пс. 44:6 🔗Евр. 4:12 | Занеже напрягохъ тя себѣ, Иудо, яко лукъ, исполнихъ Ефрема, и воздвигну чада твоя, Сiоне, на чада еллинска, и осяжу тя яко мечь ратника. |
9:14 | И Господь на нихъ явится, и изыдетъ яко молнiя стрѣла его: и Господь Богъ Вседержитель въ трубу вострубитъ и пойдетъ въ шумѣ прещенiя своего. |
9:15 См.: 🔗1Кор. 10:4 | Господь Вседержитель защититъ ихъ, и поядятъ я, и посыплютъ ихъ каменiемъ пращнымъ, и испiютъ кровь ихъ яко вино, и исполнятъ окрины яко жертвенникъ. |
9:16 | И спасетъ я Господь Богъ ихъ въ день онъ, яко овцы люди своя: зане каменiе свято валяется на земли его. |
9:17 | Аще что благо его, и аще что добро его, пшеница юношамъ и вино благоуханно дѣвамъ. |