Первое послание апостола Павла к Коринфянам, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗Еф. 4:14	И азъ, братiе, не могохъ вамъ глаголати яко духовнымъ, но яко плотянымъ, яко младенцемъ о Христѣ.
3:2 См.: 🔗1Пет. 2:2	Млекомъ вы напо­ихъ, а не брашномъ: ибо не у можасте, но ниже еще можете нынѣ,
3:3	еще бо плотстiи есте. Идѣже бо въ васъ зависти и рвенiя и распри, не плотстiи ли есте и по человѣку ходите?
3:4 См.: 🔗1Кор. 1:12	Егда бо глаголетъ кто: азъ убо есмь Павловъ, другій же: азъ Аполлосовъ: не плотстiи ли есте?
3:5 См.: 🔗Рим. 12:6	Кто убо есть Павелъ? Кто же ли Аполлосъ? Но точiю служителiе, имиже вѣровасте, и комуждо якоже Господь даде.
3:6 См.: 🔗Мк. 16:20 🔗Деян. 19:1	Азъ насадихъ, Аполлосъ напо­и, Богъ же воз­расти:
3:7	тѣмже ни насаждаяй есть что, ни напаяяй, но воз­ращаяй Богъ.
3:8	Насаждаяй же и напаяяй едино еста: кійждо же свою мзду прiиметъ по сво­ему труду.
3:9 См.: 🔗Ис. 5:1 🔗Ис. 61:3	[Зач. 128.] Богу бо есмы споспѣшницы: Божiе тяжанiе, Божiе зданiе есте.
3:10	По благодати Божiей дан­нѣй мнѣ, яко премудръ архитектонъ основанiе положихъ, инъ же назидаетъ: кійждо же да блюдетъ, како назидаетъ.
3:11 См.: 🔗Ис. 28:16 🔗Еф. 2:22	Основанiя бо инаго никтоже можетъ положити паче лежащаго, еже есть Иисусъ Христосъ.
3:12	Аще ли кто назидаетъ на основанiи семъ злато, сребро, каменiе честное, дрова, сѣно, тростiе,
3:13 См.: 🔗Ис. 48:10 🔗1Пет. 1:7	когождо дѣло явлено будетъ: день бо явитъ, зане огнемъ от­крывает­ся: и когождо дѣло, яковоже есть, огнь искуситъ.
3:14	[И] егоже аще дѣло пребудетъ, еже назда, мзду прiиметъ:
3:15	[а] егоже дѣло сгоритъ, отщетит­ся: самъ же спасет­ся, такожде якоже огнемъ.
3:16 См.: 🔗Ин. 14:23 🔗Рим. 8:9 🔗1Кор. 6:19 🔗2Кор. 6:16 🔗Гал. 4:6 🔗Евр. 3:6	Не вѣсте ли, яко храмъ Божiй есте, и Духъ Божiй живетъ въ васъ?
3:17	Аще кто Божiй храмъ растлитъ, растлитъ сего Богъ: храмъ бо Божiй святъ есть, иже есте вы.
3:18 См.: 🔗Ис. 5:21	[Зач. 129.] Никтоже себе да прельщаетъ: аще кто мнит­ся мудръ быти въ васъ въ вѣцѣ семъ, буй да бываетъ, яко да премудръ будетъ.
3:19 См.: 🔗Иов. 5:13	Премудрость бо мiра сего буй­ст­во у Бога есть, писано бо есть: запинаяй премудрымъ въ ковар­ст­вѣ ихъ.
3:20 См.: 🔗Пс. 93:11	И паки: Господь вѣсть помышленiя человѣческа {мудрыхъ}, яко суть суетна.
3:21	Тѣмже никтоже да хвалит­ся въ человѣцѣхъ, вся бо ваша суть:
3:22	аще Павелъ, или Аполлосъ, или Кифа, или мiръ, или животъ, или смерть, или настоящая, или будущая, вся ваша суть:
3:23	вы же Христовы, Христосъ же Божiй.