Первое послание апостола Павла к Коринфянам, глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗Деян. 9:3 🔗Деян. 22:18 🔗1Кор. 4:15 🔗1Кор. 15:8	Нѣсмь ли апостолъ? Нѣсмь ли свободь? Не Иисуса Христа ли Господа на­шего видѣхъ? Не дѣло ли мое вы есте о Господѣ?
9:2 См.: 🔗2Кор. 3:2	Аще инымъ [и] нѣсмь апостолъ, но обаче вамъ есмь: [Зач. 141.] печать бо мо­его апостол­ст­ва вы есте о Господѣ.
9:3	Мой от­вѣтъ востязующымъ мене сей есть.
9:4 См.: 🔗Лк. 10:7 🔗2Фес. 3:9	Еда не имамы власти ясти и пити?
9:5	Еда не имамы власти сестру жену водити, яко и прочiи апостоли, и братiя Господня, и Кифа?
9:6	Или единъ азъ и Варнава не имамы власти еже не дѣлати?
9:7	Кто воин­ствуетъ сво­ими оброки когда? Или кто насаждаетъ виноградъ, и от­ плода его не ястъ? Или кто пасетъ стадо, и от­ млека стада не ястъ?
9:8	Еда по человѣку сiя глаголю? Не и законъ ли сiя глаголетъ?
9:9 См.: 🔗Втор. 25:4 🔗1Тим. 5:18	Въ Моисеовѣ бо законѣ писано: да не заградиши устну вола молотяща. Еда о волѣхъ радитъ Богъ?
9:10	Или насъ ради всяко глаголетъ? Насъ бо ради написася, яко о надежди долженъ есть оряй орати, и молотяй съ надеждею сво­его упованiя при­­чащатися.
9:11 См.: 🔗Рим. 15:27	Аще мы духовная сѣяхомъ вамъ, велико ли, аще мы ваша тѣлесная пожнемъ?
9:12 См.: 🔗Деян. 20:33 🔗2Кор. 11:8 🔗1Фес. 2:9	Аще иніи власти ва­шея при­­чащают­ся, не паче ли мы? Но не сотворихомъ по области сей: но вся терпимъ, да не прекращенiе кое дамы благовѣ­ст­вованiю Христову.
9:13 См.: 🔗Втор. 18:8	[Зач. 142.] Не вѣсте ли, яко дѣла­ю­щiи священ­ная от­ святилища ядятъ? [и] служащiи олтарю со олтаремъ дѣлят­ся?
9:14 См.: 🔗Мф. 10:10	Тако и Господь повелѣ проповѣда­ю­щымъ Благовѣстiе от­ благовѣстiя жити.
9:15	Азъ же ни едино сотворихъ от­ сихъ. Не писахъ же сiя, да тако будетъ о мнѣ: добрѣе бо мнѣ паче умрети, нежели похвалу мою кто да испразднитъ.
9:16 См.: 🔗Деян. 9:6 🔗Деян. 13:2	Аще бо благовѣ­ст­вую, нѣсть ми похвалы, нужда бо ми належитъ: горе же мнѣ есть, аще не благовѣ­ст­вую.
9:17	Аще убо волею сiе творю, мзду имамъ: аще же неволею, стро­енiе ми есть предано.
9:18	Кая убо ми есть мзда? Да благовѣ­ст­вуяй безъ мзды положу Благовѣстiе Христово, во еже не творити ми по области мо­ей въ благовѣ­ст­вованiи.
9:19 См.: 🔗1Кор. 10:33	[Зач. 143А.] Свободенъ бо сый от­ всѣхъ, всѣмъ себе поработихъ, да множайшыя при­­обрящу:
9:20	быхъ Иудеемъ яко Иудей, да Иудеи прiобрящу: подзакон­нымъ яко подзаконенъ, да подзакон­ныя при­­обрящу:
9:21 См.: 🔗1Кор. 7:18	беззакон­нымъ яко беззаконенъ, не сый беззакон­никъ Богу, но закон­никъ Христу, да при­­обрящу беззакон­ныя.
9:22 См.: 🔗Рим. 15:1	Быхъ немощнымъ яко немощенъ, да немощныя прiобрящу. Всѣмъ быхъ вся, да всяко нѣкiя спасу.
9:23	Сiе же творю за Благовѣстiе, да сообщникъ ему буду.
9:24 См.: 🔗Флп. 3:12 🔗2Тим. 4:7	Не вѣсте ли, яко текущiи въ позорищи вси убо текутъ, единъ же прiемлетъ почесть? Тако тецыте, да постигнете.
9:25 См.: 🔗2Тим. 2:4 🔗Отк. 2:10	Всякъ же подвизаяйся от­ всѣхъ воз­держит­ся: и они убо да истлѣненъ вѣнецъ прiимутъ, мы же неистлѣненъ.
9:26	Азъ убо тако теку, не яко безвѣстно, тако подвизаюся, не яко воз­духъ бiяй:
9:27 См.: 🔗Рим. 6:18	но умерщвляю тѣло мое и порабощаю, да не како, инымъ проповѣдуя, самъ неключимь буду.